Situata e krijuar nga koronavirusi bëri që kryeministri Edi Rama së bashku me qeverinë e tij të vendosin përgjysmimin e rrogave të tyre për një periudhë tre mujore.
Vendimi i Këshillit të Ministrave “Për trajtimin e përkohshëm financiar mujor të disa funksionarëve dhe nëpunësve të administratës shtetërore, gjatë periudhës së gjendjes së epidemisë së shkaktuar nga covid-19”, -është publikuar sot në Fletoren Zyrtare.
Bazuar në këtë vendim e gjithë qeveria do të përfitojë pagë mujore neto në masën 50% të pagës mujore neto aktuale, për tre muaj.
Ndërsa të gjithë nënpunësit e institucioneve të administratës shtetërore, të cilët janë anëtarë të këshillave, të bordeve apo të komisioneve të institucioneve të administratës shtetërore, të institucioneve publike të arsimit të lartë, të njësive të fondeve speciale, të ndërmarrjeve shtetërore dhe të shoqërive tregtare me kapital mbi 50% shtetëror, për periudhën nga data 1 prill 2020 deri në përfundim të gjendjes së pandemisë nuk do përfitojnë shpërblimin mujor përkatës./Fjala.al/
