Një shtetas është arrestuar në flagrancë nga shërbimet e Policisë, pasi ai po qarkullonte me dokument të falsifikuar gjatë orarit që ndalohej lëvizja për mospërha pjen e koronavirusit.
Ndëshkohet edhe pasagjeri, me masë 10.000 lekë, për thyerje të rregullit të ndalimit të lëvizjes për këmbësorë pas orës 13:00, pa ndonjë arsye.
Shtetasi me inicialet Z. Gj., 42 vjeç, banues në Tale, Lezhë, ështëarrestuar nga strukturat e DVP Shkodër, në vijim ë kontrolleve për zbatimin e masave kufizuese.
Arrestimi i tij u bë pasi, në vendin e quajtur Shtoj i Ri, Shkodër, duke drejtuar mjetin tip Audi, u ndalua nga shërbimet e Policisë për kontroll të autorizimit për lëvizje. Ky shtetas u ka paraqitur punonjësve të Policisë një dokument dhe distinktiv të “Europolice”.
Nga verifikimet me Europolin, këto dokumente janë të falsifikuara.
Materialet iu referuan Prokurorisë së Rrethit Gjyqësor Shkodër, për veprat penale “Falsifikimi i dokumenteve” dhe “Përvetësimi i titullit apo i detyrës shtetërore”.
