Pastori amerikan Kenneth Copeland pretendon se shëron koronavirusin përmes thirrjes ndaj Zotit dhe e kanalizon fuqinë e tij duke e dërguar nëpër ekranet televizive.
Copeland, i cili është një homofob i njohur në SHBA përveçse pretendon se shëron njerëzit nga koronavirusi përmes TV, tani përdor edhe një metodë tjetër.
Ai qëndron në kishën e zbrazur, i shoqëruar nga vetëm katër anëtarë të kishës së tij, pastori Kenneth Copeland, mban predikimin e tij, shkruan Pink News.
Copeland bërtet në transmetim live: Era, i Plotfuqishëm, ji i fortë, era e jugut, nxehtësia: Digje këtë gjë, në emër të Jezusit. Përkulu Satana! Ua dërgoj drejt e në fytyrë”.
Më pas ai bërtet “COVID-19!”, përpara se të fryjë fort te kamera. Ai vazhdon: “Unë fryj mbi ty, me erën e Zotit. Ju shkatërroj përgjithmonë. Dhe nuk do të kthehesh më kurrë”, thërret pastori duke iu drejtuar koronavirusit.
Përveç metodës së mësipërme Copeland është përpjekur të shërojë njerëzit përmes televizionit.
“Vendosni dorën tuaj në ekran” tha Copeland, ndërsa mban njërën dorë që mesa duket mbulohet nga uji i shenjtë dhe qëndron para një ekrani ku shkruhet: “Qëndroni kundër koronavirusit”.
83-vjeçari është shumë i njohur në qarqet ungjillore në Shtetet e Bashkuara. Ai është një figurë goxha e diskutuar për shkak të jetës së tij luksoze, ku shëtit në SHBA me avionët privatë./FJALA.AL
