Rriten shpresat për vaksinë/ Shkencëtarët zbulojnë se virusi ka ‘imunitet të ulët’

113 563 lexime

124,178FansaPëlqeje

Shkencëtarët kanë zbuluar hollësi të reja për strukturën e koronvairusit, duke ngjallur shpresë për zbulim më të shpejtë të një vaksine kundër tij.

Shkencëtarët në Mbretërinë e Bashkuarn që e bënë zbulimin e quajtën atë “shumë inkurajuese”.

Shkencëtarët e Universitetit të Southampton-it e kanë krijuar një model 3D të strukturës së koronavirusit, duke e vënë në pah “maskën” që ai e përdor për t’u fshehur nga sistemi imunitar i njeriut.

Ky është modeli i parë që i shfaq majat e proteinave në sipërfaqen e virusit, të cilat janë caku kryesor i antitrupave dhe kërkimeve për gjetjen e vaksinës.

Sheqernat që ndodhen në sipërfaqen e virusit ia mundësojnë futjen në trupin e njeriut pa u vënë re nga sistemi imunitar, duke u sjellë si ujk nën lëkurën e deles, thonë shkencëtarët.

Sidoqoftë, hulumtuesit zbuluan se koronavirusi i ri nuk është aq shumë i mbrojtur ose i maskuar, siç janë disa viruse të tjerë, përfshirë virusin HIV.

Profesori Max Crispin, i cili po udhëheq hulumtimin, tha se virusi është i veshur në sheqerna të quajtura glikane, të cilat fshehin proteinat e tyre virale në mënyrë që të shmangin sistemin tonë imunitar.

“Duke e veshur veten në sheqerna, viruset janë si një ujk në rrobat e deleve”, tha profesori.

“Por një nga gjetjet kryesore të studimit tonë është se pavarësisht sa sheqernash ka, ky koronavirus nuk është aq i mbrojtur sa disa viruse të tjera.

“Viruset si HIV, të cilët varen rreth një hosti, duhet të shmangin sistemin imunitar vazhdimisht dhe ata kanë një shtresë glikane vërtet të dendur si një mburojë për sistemin imunitar.

Krahasimi i HIV-it është domethënës, pasi shkencëtarët janë duke përdorur pajisje të posaçme të siguruara më parë nga një grant nga fondacioni Bill dhe Melinda Gates përmes bashkëpunimit për AIDS Vaskin Discovery.

Lexo edhe :  Migrena, mënyrat se si ta parandaloni

Ndërsa COVID-19 është përgjegjës për qindra mijëra njerëz të infektuar dhe më shumë se 82,000 vdekje në të gjithë botën, shkencëtarët në Southampton besojnë se modeli i tyre ofron një arsye për optimizëm.

Profesori Crispin shpjegoi se “mbrojtja më e ulët” do të thotë se ekzistojnë “më pak pengesa që sistemi imunitar të neutralizojë virusin me antitrupa”.

Ai tha se ishte “është një mesazh shumë inkurajues për zhvillimin e vaksinave”, megjithëse çdo produkt i tillë konsiderohet ende larg, të paktën një vit larg.

Ndërmarrja më e madhe farmaceutike në botë, Johnson & Johnson, i tha Sky News muajin e kaluar se ishte e sigurt që kishte formulën e një vaksine ndaj  COVID-19 dhe dëshironte ta vinte në dispozicion në një bazë jo-fitimprurëse në 2021.

Firma shpreson të fillojë punën në shtator, që mund të prodhojë në masë deri në fillim të vitit të ardhshëm.

Në shkurt, shkencëtari që drejtoi studimin e Britanisë së Madhe për një vaksinë i tha Sky News se ekipi i tij kishte bërë një përparim të rëndësishëm duke zvogëluar një pjesë të kohës normale të zhvillimit nga vite, në javë.

Profesori Robin Shattock, drejtues i infeksionit mukozal dhe imunitetit në Imperial College London, tregoi se testimi në njerëzo mund të fillonin qysh në verë./Sky

Të fundit

Vrasja e Osman Berberit, cili është roli i shokut të tij, Besnik Ndou?

Emisioni Në Shënjestër në News24, i gazetares Klodiana Lala ka hedhur dritë mbi ngjarjen e rëndë të ndodhur nw...

Vrasja e “Pushit”, pse dyshonte nëna e viktimës te dy shokët e tij. Dëshmitë

Emisioni Në Shënjestër në News24, i gazetares Klodiana Lala ka hedhur dritë mbi ngjarjen e rëndë të ndodhur në shkurt të vitit 2009, kur...

Masat për turizmin në Shkodër/ Autoritetet dhe operatorët kërkuan ndalimin e punimeve

Masat e marra për sezonin turistik, bënë bashkë drejtuesit vendor në qarkun e Shkodrës. Në fokus ishte zbatimi i ligjit dhe rregullores së re për ndalimin e...

Berisha: Sokol Mëngjesi u godit nga një grup kriminal! Qëllimi ishte eliminimi i tij

Ish-kryeministri Sali Berisha, në fjalën e tij nga ballkoni i banesës, ku ndodhet në “arrest shtëpie” tha përpara simpatizantëve të tij se Sokol Mëngjesi...

E quajti Princeshë Dianën miken e saj të mirë, deklarata e Nicki Minaj zemëron britanikët

Asnjë nga fansat e Nicki Minaj që ndodheshin në Birmingham të Anglisë, nuk prisnin që reperja të bënte homazhe për Princeshën Diana. Këngëtarja 41-vjeçare ishte në...

Lajme të tjera

Web TV