Drejtori i Urgjencës Kombëtare, Skënder Brataj ka theksuar se pasojat e koronavirusit janë “fryrë” së tepërmi, pasi ky virus nuk shkakton vdekjen e çdo personi që infektohet.
Duke iu referuar gjendjes së tij që pas prekjes nga koronavirusi, Brataj tha se Covid-19 është fryrë tej mase pasi disa persona, sipas tij, e kalojnë edhe si një grip normal.
Deri më tani në vendin tonë rezultojnë të prekur nga koronavirusi rreth 494 persona, 25 kanë ndërruar dhe 251 të tjerë kanë arritur të shërohen nga koronavirusi. Sipas ministres së Shëndetësisë, Ogerta Manastirliu javën e ardhshme do të nisë testimi me antitrupa për mjekët, policët dhe për ata që janë në fazën përgatitore.
