Skuadra e Bayern Munchin ka gjobitur me 50 mijë euro sulmuesin francez, Kingsley Coman, pasi ka shkuar në stërvitje me një McLaren dhe jo me një Audi, që është edhe sponsori kryesor i klubit bavarez.
Ky lajm është bërë publik nga gazeta “Bild”, e cila ka përfshirë në raportim edhe dëshminë e vetë 23-vjeçarit të Kombëtares së Francës, që i ka kërkuar ndjesë klubit.
“Bëra një gabim dhe e kuptoj këtë”,-ka thënë këtë duke shtuar se nuk mund të drejtonte Audin për shkak të një dëmi në një nga pasqyrat
Duhet theksuar se kompania gjermane ka 8.33% të kapitalit të Bayern-it dhe së fundmi ka firmosur një tjetër kontratë partneriteti të vlefshme deri në vitin e 2029 dhe që do të sjellë 800 milionë euro për skudarën gjermane./Fjala.al/
