Në mediat ndërkombëtare janë duke qarkulluar lajme se Kim Jong Un ndodhet në gjendje të rëndë shëndetësore, madje ka dhe nga ato që raportojnë se ai tashmë ka vdekur, por nuk duan që ta bëjnë publike.
The Sun duke iu referuar një gazete me emër japoneze raporton se diktatori ndodhet në “gjendje vegjetative” pas një operacioni në zemër në fillim të muajit.
Ndërsa zv.drejtori i një transmetuesi të Hong Kongut, HKSTV Hong Kong Satellite Television, një medie kjo e mbeshtetur nga Pekini, ka thënë se se Kimi ka vdekur, dhe citon “një burim shumë të fortë”.
“Mes njoftimeve se Kina ka dërguar një ekip mjekësh fqinjëve të tyre komunistë këtë javë për të kontrolluar / këshilluar Kim, një drejtor i kanalit të lajmeve të mbështetura nga Hong Kongu – i cili me sa duket është i afërt i një ministri të jashtëm kinez nxori vetë lajmet se Kim ka vdekur”, -raporton TMZ e cila thekson se nuk e ka konfirmuar vetë lajmin.
Megjithatë dilema kryesore tashmë është se kush mund ta marrë drejtimin e Koresë së Veriut, nëse lajmi i vdekjes është i vërtetë, ose nëse kjo ngjarje ndodh së shpejti.
Motra e tij, Kim Yo-jong, mendohet të jetë pasardhësja e tij më e mundshme në rast se ai vdes, pasi ajo shfaqet gjithnjë krah diktatorit./Fjala.al/
