Ditën e sotme ka humbur jetën nga koronavirusi një 44-vjeçar nga Gjilani, duke e çuar në 21 numrin e viktimave në Kosovë.
Ai ishte shtruar në klinikën Infektive të QKUK-së në 17 prill, ndërsa mësohet se ka patur edhe sëmundje të tjera shoqëruese.
Aktualisht, në Kosovë janë 731 të infektuar dhe 165 të shëruar.
Njoftimi i Ministrisë së Shëndetësisë në Kosovë:
Klinika Infektive ka njoftuar se sot me datë 26/04/ 2020 në orët e mesditës ka përfunduar me vdekje pacienti me inicialet M.I.(1976), nga komuna e Gjilanit.
Pacienti është spitalizuar në Klinikën Infektive me datën 17/04/2020, është konifrmuar me COVID-19, dhe është pranuar në gjendje shumë të rëndë.
I njëjti prej vitesh vuante edhe nga sëmundje të tjera.
Kjo është vdekje e 21-të në Kosovë prej koronavirusit Covid-19.