Ministria e Shëndetësisë, ditën e sotme konfirmoi 12 raste të reja me koronavirus në Shqipëri. Numri i përgjithshëm i të infektuarve në vend ka shkuar në 832, prej tyre vazhdojnë të jenë aktive 206 raste.
Zëvendës ministrja, Rakacolli u shpreh se në dy spitalet COVID, aktualisht janë shtruar 36 pacientë dhe vetëm 8 prej tyre janë në terapi intensive. Ndërkohë pjesa tjetër e të infektuarve aktivë, janë asimptomatik dhe po karantinohen në shtëpitë e tyre.
Harta e të prekurve me Covid-19 u zgjerua sot në qytetet: Tiranë, Fier, Shkodër, Krujë dhe Kamëz./Fjala.al
