A do blejë bota makina luksoze miliona dollarëshe? Bugatti do e provojë

113 563 lexime

124,178FansaPëlqeje

Në fund të muajit mars, kur pandemia koronavirus e detyroi Bugatti-n të ndalë prodhimin e të mbyllë fabrikën në lindje të Francës, punonjësit sapo kishin nisur të ndërtonin prodhimin më të mirë, në vlerë 6 milionë dollarë, supermakinën “Divo”.

Kur fabrika u rihap pas 6 javësh, ishte një botë e re, një botë ku ekonomia ishte shkatërruar totalisht në rang global. Për drejtuesit ekzekutivë të kompanisë, pyetja ishte e qartë: Sa makina multi miliona dollarë do të dojë bota tani?

“Për momentin është e pamundur të bësh një parashikim sepse ne operojmë në një treg shumë të vogël, për makina të tilla përqark globit” tha presidenti i kompanisë Bugatti, Stephan Winkelmann.

Por, edhe pse pa një përgjigje të qartë, Bugatti po vijon normalisht me prodhimin e Divos. Janë planifikuar të ndërtohen 40 të tilla, të prezantuara fillimisht e më pas të rezervuara që prej gushtit të vitit 2018. Për ndërtimin e një makine BUgatti, duhen 2 muaj kohë.

Por, ajo cka pengon punën në këto kohë, është furnizimi i disa pjesëve, që porositen në vendet e huaja, kryesisht në Italinë e goditur rëndë nga kriza. Bugatti është pjesë e grupit Volkswagen, një nga prodhuesit e automjeteve më të mëdha në botë.

E ardhmja e Bugatti Divo është e lidhur ngushtë me disa prej miliarderëve me famë botërore, mogul biznesesh, atletë profesionistë, investitorë e madje edhe sulltanë e mbretër. 2019-ta ishte një vit solid për Bugattin, me rritje të të ardhurave në 7%. Kompania shiti 81 automjete luksoze, 5 më shumë nga një vit më parë, mjaftueshëm për të qenë të lumtur me fitimet.

Do të duhet të kalojnë 4-8 javë për të parë ecurinë në treg dhe kërkesat për pjesën e mbetur të vitit. Përgjatë viteve të shkuara, kompania ka zbuluar vetëm disa modele të reja makinash, si Centodieci në vlerë 9 milionë dollarë, prej së cilës vetëm 10 janë prodhuar dhe janë vërtet unike. Pas saj renditen La Voiture Noire apo Black Car, secila prej tyre, bashkë me taksat, kushton 19 milionë dollarë./l.m/

Lexo edhe :  Jeni të vendosur të dobësoheni para verës? 11 metodat e bazuara në shkencë

Burimi: CNN, Përshtati: Fjala.al

Të fundit

I dënuar me mbi 2 vite burg, ndalohet brenda Big Brother Albania konkurrenti

Strukturat e Forcës së Posaçme për Operacionet Speciale dhe Kërkimin bënë ndalimin e shtetasit Liam Osmani, 44 vjeç, teksa...

Stuhitë e dëborës godasin perëndimin e SHBA-ve, rreth 60 mijë njerëz pa energji elektrike

Stuhi të mëdha të borës kanë përfshirë disa pjesë të Kalifornisë dhe Nevadas në perëndim të Shteteve të Bashkuara. Bora ka mbyllur rrugët, qendrat e...

200 anëtarë të rinj i bashkohen PS-së në Njësinë 4, Veliaj: PS është si Luiza Gega

200 anëtarë të rinj i janë bashkuar Partisë Socialiste në Njësinë 4 dhe Drejtuesi Politik për Qarkun e Tiranës, Erion Veliaj, shprehu falënderimet e...

A ndikon pozicioni i gjumit në shëndetin e zemrës?

Dihet tashmë se një gjumë i mirë dhe cilësor ndikon në shëndetin tuaj, veçanërisht atë të zemrës. Studimet kanë treguar se një gjumë i...

Kush janë të burgosurit e tjerë rusë që mund të kenë fatin e Navalnyt?

Kur autoritetet e burgjeve në Arktikun rus njoftuan për vdekjen e papritur të liderit opozitar rus, Aleksei Navalny, më 16 shkurt, ata thanë se...

Lajme të tjera

Web TV