Protesta ndaj izolimit/ Avokati i Popullit: Policia të mos ushtrojë dhunë

113 563 lexime

106,048FansaPëlqeje

Pas dhunës së ushtruar ditën e sotme ndaj protestuesve në Sheshin “Skënderbej”, Avokati i Popullit i ka bërë thirrje Policisë mos reagojë ekstremisht.

Sipas tij janë 12 të shoqëruar, 7 nga të cilët po procedohen në gjendje të lirë.

Ndërsa sipas Avokatit të Popullit qytetarët kanë të drejtë të ushtrojnë çdo formë të ligjshme të shprehjes së vullnetit përfshi protestën.

Njoftimi nga Avokati i popullit:

Institucioni I Avokatit të Popullit ka mësuar me shqetësim rreth zhvillimeve të ditës së sotme në Sheshin Skënderbej në Tiranë, ku një grup qytetarësh protestues janë përballur me forcat e Policisë së Shtetit.

Edhe pse Avokati I Popullit nuk ishte njoftuar dhe as thirrur për ta monitoruar këtë protestë, raportimet në media për zhvillimet të cilat kanë precipituar deri në përplasje të dhunshme të Policisë me qytetarët, nuk mund ta lënë indiferent institucionin më të madh të mbrojtjes së të drejtave të njeriut në vendin tonë.

Gjatë gjithë periudhës së ndërmarrjes së masave të jashtëzakonshme me rastin e luftës kundër pandemisë globale të Covid-19, institucioni I Avokatit të Popullit ashtu si edhe institucionet më të mëdha ndërkombëtare ka bërë thirrje që autoritetet shtetërore të kenë kujdes për të kufizuar me proporcionalitet të drejtat civile të cilat preken gjatë masave të jashtëzakonshme.

Në lidhje me ngjarjen në fjalë, Institucioni i Avokatit të Popullit ka nisur me iniciativë hetimin e rastit ndërkohë që 7 nga 12 personat e shoqëruar po procedohen në gjendje të lirë.

Gjithashtu, Avokati i Popullit ka nisur shqyrtimin edhe për rastin e dy të shoqëruarve Sazan Guri dhe Klajdi Bello.

Institucioni i Avokatit të Popullit gjen rastin t’u bëjë thirrje qytetarëve të respektojnë me durim dhe vetëpërmbajtje të gjithë rregullat e protokollit për kufizimin e përhapjes së COVID-19, duke zvogëluar në këtë mënyrë mundësinë e transmetimit të këtij infeksioni të rrezikshëm.

Lexo edhe :  Shqipëria nën rrezikun e zjarreve, si të shpëtojmë shtëpinë dhe pronën

Megjithatë, Avokati i Popullit fuqimisht u bën thirrje autoriteteve shtetërore, gjegjësisht strukturave të Policisë së Shtetit që të evitojnë reagimet ekstreme, të ruajnë proporcionalitetin dhe të marrin në konsideratë me respekt çdo formë të ligjshme të shprehjes së vullnetit të qytetarëve duke përfshirë edhe të drejtën e shprehjes së opinioneve të tyre apo të drejtës për të protestuar apo manifestuar pakënaqësitë e tyre./Fjala.al/


Të fundit

Nuk shuhen flakët në malin e Tërbunit, në terren edhe 100 trupa ushtarake

Pukë, vijon të jetë aktive vatra e zjarrit në malin e Tërbunit. Zjarri ka përfshirë një sipërfaqe prej 20...

Rama jep lajmin e bukur: 23,342 fëmijë erdhën në jetë bashkë me bonusin e bebes

Kryeministri Edi Rama e ka nisur mëngjesin e tij me lajmin e bukur se 23,342 fëmijë që kanë sjellë gëzim për familjet e tyre...

Parashimkimi i motit/ Ditë e nxehtë sot, ja sa do të shënojë termometri

Paraditja ne pjesën me te madhe te vendit do te jete ne ndikimin e motit te kthjellet. Sipas MeteoAlb ne vijim vranësirat e lehta...

Horoskopi sot, 14 gusht 2021

Dashi Me aspektin e sotëm në lojë, ju mund të zbuloni diçka për një mik për të cilin gjithmonë dyshonit dhe madje shpresonit, por kurrë...

Motra e Kosta Grillos për gazetarin: Është në gjendje të qendrueshme, po mbahet mirë

Gazetari Kosta Grillo i cili qëndron që prej ditës së djeshme në spitalin Memorial në Turqi, si pasojë e infektimit të tij me Covid-19,...

Lajme të tjera

Web TV