19 detarë kanë humbur jetët, ndërsa 15 të tjerë janë plagosur në një aksident ku u përfshinë anijet detare iraniane në Gjirin e Omanit, ka njoftuar mediat marina e Iranit.
Bëhet me dije se anija mbështetëse “Konarak” u godit nga një raketë e re anti-anije që u testua nga fregata “Jamaran” në një stërvitje të dielën.
Nga marina u bë me dije se anija ishte tërhequr në bregdet dhe se kishte filluar një hetim, ndërsa aksidenti ndodhi pranë ngushticës së Hormuzit, një rrugë ujore kjo e rëndësishme strategjike përmes së cilës kalon rreth një e pesta e naftës në botë.
“Të dielën në mbrëmje … gjatë ushtrimeve detare të kryera nga një numër i anijeve të forcave detare në ujërat e Jask dhe Chabahar, një aksident ka ndodhur duke përfshirë anijen e ndihmës së lehtë “Konarak”, duke shkaktuar martirizimin e një numri të anëtarëve të guximshëm të forcave të marinës”, deklaroi marina gjatë ditës së sotme raporton BBC.
Ndërsa më tej shtohet se Konarak ishte dërguar në një port për “inspektim teknik”, por nuk përmendi rrethanat e aksidentit./Fjala.al/