Zëvendëskryeredaktorja e gazetës Fjala, Blerina Gjoka i ka adresuar kryeministrit Rama një pyetje lidhur mbi procesin e integrimin, nëse kreu i qeverisë do të jetë i gatshëm të bëjë një sakrificë për të rënë dakord me kërkesën e opozitës për shembull për një qeveri kujdestare para zgjedhjeve, derisa vendi të bëhet anëtar i BE-së.
Rama la të kuptohet se nuk do e pranojë këtë propozim të opozitës, pasi theksoi se mazhoranca pranon propozimet që vijnë nga OSBE-ja.
Nga ana e tij, kryeministri Rama është përgjigjur se “zgjedhjet e lira e të ndershme nuk janë një sakrificë por një detyrim. Zgjedhjet janë zhvilluar prej kohësh, cilësia e tyre mbetet për t’u përmirësuar gjithashtu.
Rekomandimet e OSBE-ODIHR-it janë të panegociueshme. Depolitizimi është një nga pikat kryesore. Po ashtu edhe problemi i politizimit të administratës, ku OSBE-ODIHR ka kërkuar depolizitimin e administratës. Dhe ne jemi të gatshëm ta bëjmë këtë gjë në mënyrë që administrata t’u takojë qytetarëve.
Mospërfshirja në Kolegjin Zgjedhor e gjykatësve që nuk kanë kaluar vettingun, është një tjetër çështje. është bashkëkryetari i komisionit për reformën zgjedhore që informon mbi këtë çështje. Por gjykatës që nuk kanë kaluar vettingun nuk do ta pranojmë që të jenë pjesë e Kolegjit Zgjedhor. Të tjerat janë rekomandime, të cilat do t’u përmbahemi”, u shpreh Rama.
Duhet të kujtojmë se sipas Rezolutës së Bundestagut, zgjedhjet janë tashmë një kusht për integrimin dhe që mund ta kthejnë atë mbrapsht si proces.
