Vlerësohet se gjatë vitit të parë të linjës së saj të të brendshmeve “Savage X Fenty”, këngëtarja Rihanna ka siguruar plot 150 milionë dollarë fitime.
Dhe Rihanna feston përvjetorin e dytë të biznesit të saj, duke postuar në rrjetet sociale foto, duke prezantuar koleksionin e ri, në të cilat këngëtarja nga Barbados shfaqet super seksi.
32 vjeçarja falënderon fansat për mbështetjen ndërsa thotë se brendi i saj është rritur në këtë 2 vjetor. Rihanna e nisi këtë biznes në vitin 2018, në një periudhë kur u shpreh se kishte nevojë për një tërheqje nga muzika.
Brendi i ri ofron të brendshme seksi për femra të çdo moshe, ngjyrë dhe peshe pasi sipas Rihannës, çdo femër mund të jetë seksi në mënyrën e saj. Pas 2 vitesh, vlerësohet se biznesi i këngëtares sot vlen 3 miliardë dollarë.
Linja e kozmetikës dhe e veshjeve intime dhe fitimet e siguruara prej biznesit dhe muzikës, e rendisin Rihannën si muzikantja femër më e pasur në të gjithë botën, me vlerë 600 milionë dollarë. Pas saj renditen Madonna me 570 milionë dollarë, Celine Dion me 450 milionë dollarë dhe Beyoncé me 400 milionë dollarë.
