Debora Beqiri, bashkëshortja e shqiptarit të vrarë në Londër, Flamur Beqiri është shfaqur për herë pas ngjarjes tragjike.
Beqiri ka hapur një llogari në Instagram pas 5 muajsh nga ngjarja e rëndë. Në një nga postimet e saj, ajo shfaqet me cigare në gojë me një nga shoqet e saj.
Shqiptari i Kosovës, i lindur në Ferizaj, por që jetonte prej disa kohësh në kryeqytetin britanik, punonte si producent i disa artistëve të njohur në Angli.
Lajmi i vrasjes
Sipas mediave britanike, ekzekutimi i 36-vjeçarit është i lidhur me disa vrasje në Suedi, ku Beqiri figuronte ne 2008-tën si njëri prej njerëzve më të kërkuar në vend.
Producenti i njohur me origjinë nga Kosova, Flamur Beqiri, është vrarë në sy të gruas dhe fëmijës së tij. Ai u qëllua me 10 plumba mu në mes të Londrës.
Atentati mafioz ndodhi rreth orës 21.00 në Rrugën e Kishës Battersea në jug-perëndim të Londrës.
Fqinjët thanë se dëgjuan të shtëna me armë dhe të bërtiturat e një gruaje që qante dhe thërriste “në mënyrë të dëshpëruar” për ndihmë.
Një zëdhënës i Policisë tha se një vrasje e tillë në sy të familjes, e cila pa njeriun e afërt të vdiste në mënyrë kaq të tmerrshme, e ka lënë familjen e tij “të shkatërruar”.
36-vjeçari, i cili kishte një grua dhe një fëmijë të vogël, u shpall i vdekur në vendin e ngjarjes nga shërbimet e urgjencës.
Flamur Beqiri është vëllai i ish-yllit “Real Housewives Of Cheshire”, Misse Beqiri. Flamuri njihej me emrin e artit Alex, dhe ka në pronësi studion “20/20 Records”. 
Ai u martua me Debora Krasniqin në Cernobbo, në liqenin Como në tetor të vitit të kaluar. Ai është bashkëthemelues dhe partner i markës “20/20 Records” e cila ka zyra në Londër dhe Stokholm.
Fqinja e tij Vittoria Amati, 60 vjeç, tha se kishte dëgjuar të paktën 10 të shtëna me armë.
“Pastaj dëgjova ulërimat e gruas. Dola dhe kuptova se ishte një nga fqinjët e mi. Ai ishte shtrirë para derës së tij në një pishinë gjaku. Ai ishte akoma gjallë. Ne me të vërtetë shpresonim se ai do t’ia dilte. Ju nuk e keni idenë sa e dëshpëruar ishte gruaja e tij”, tha Amati.
Detektivi Jamie Stevenson tha: “Hetimi ynë është në fazat e hershme dhe ne jemi ende duke punuar për të vendosur se cili mund të jetë motivi që ka çuar vrasjen e një njeriu në mënyrë kaq të tmerrshme, në prag të Krishtlindjes, para familjes së tij.
Ata janë shkatërruar nga kjo ngjarje e tmerrshme dhe po mbështeten nga oficerë të specializuar. Ne e dimë se viktima po kthehej në shtëpi me gruan dhe fëmijën e tij pas një mbrëmje, kur ai u qëllua në oborrin e shtëpisë së tij”, tha oficeri i policisë i cili shtoi se vrasësi është arratisur në këmbë ne drejtim të “Battersea Road”.
Kjo është vrasja e 135-së në Londër përgjatë vitit 2019, duke shënuar numrin më të lartë të vrasjeve që prej vitit 2008.
