Moto GP/Valentino Rosi, gjithnjë e më pranë skuadrës së “Jamaha”-s

113 563 lexime

124,178FansaPëlqeje

A është vulosur kalimi i Valentino Rosit tek skuadra e “Jamaha”-s, “Petronas”-i? Ende nuk mund të thuhet me siguri, pasi një pjesë e mediave ndërkombëtare e bëjnë të sigurt një gjë të tillë, ndërsa disa të tjera theksojnë se bisedimet po vazhdojnë.

Sidoqoftë, po duket gjithnjë e më tepër një realitet mundësia që Valentino Rosi, aktualisht në skuadrën zyrtare të “Jamaha”-s, do të zhvendoset tek motori i skuadrës kliente në 2021-shin, aty ku përkrah do të ketë bashkëatdhetarin e tij, Franko Morbideli.

Mullinjtë e thashethemeve nisën të punonin me mbingarkesë para dy javësh, kur i mbiquajturi “Doktori”, deklaroi se ai synon të vazhdojë të garojë në Moto GP edhe në 2021-shin dhe pasi “Jamaha” deklaroi në fillim të vitit se italiani do të gëzonte të drejtën e një motori “YZR-M1” me specifikat e skuadrës zyrtare dhe mbështetjen e plotë inxhinierike të “Jamaha”-s nëse ai vendos të vazhdojë. Rrjedhimisht, sytë e të gjithëve u përqendruan në vendin që do të lihet bosh kur Fabio Kuartararo të kalojë tek skuadra zyrtare e “Jamaha”-s.

Tanimë, edhe mediat janë disi konfuze, me disa prej tyre që pretendojnë se një marrëveshje është arritur e me të tjera që besojnë se bisedimet me 9 herë kampionin e botës dhe skuadrën kliente të “Jamaha”-s, pritet të fillojnë gjatë kësaj jave.

Raportohet gjithashtu që bisedimet kanë hasur në një pikë të diskutueshme, siç pretendon prestigjiozja sportive italiane, “La Gazzetta Dello Sport”, sepse Rosi dëshiron të sjellë me vete gjithë skuadrën e mekanikëve që e kanë shoqëruar gjatë shumicës së karrierës së tij në nivelin më të lartë të Kampionatit Botëror të Motoçiklizmit, Moto GP.

Në krahun tjetër, kreu i “Petronas Jamaha SRT”, Razlan Razali, nuk ka dëshirë të bëjë ndryshime tërësore në personelin e skuadrës së tij. Por një gjë është, sidoqoftë, e sigurt, që një marrëveshje midis dy palëve po i afrohet gjithnjë e më tepër bërjes realitet.

Lexo edhe :  Përmbysje spektakolare ndaj Islandës, Mudryk dërgon Ukrainën në EURO 2024

Një tjetër gjë që tanimë ka gjasa të realizohet, është që Rosi të shoqërohet në garazhin e “Petronas Jamaha”-s nga piloti i Akademisë “VR46”, Franko Morbideli, pasi Razali e ka bërë të qartë sesa e rëndësishme ishte për skuadrën që të vazhdonte ta kishte të vetin italianin 25-vjeçar edhe për 2021-shin.

Të fundit

Dasmë në Big Brother, Heidi dhe Romeo do të martohen

Heidi dhe Romeo pas një shkëputje të lidhjes së tyre u ribashkuan fill pas spektaklit të së martës, ku...

Papa Françesku thyen traditën, lan dhe puth këmbët e grave të burgosura në Romë

Sot është e Enjtja e Madhe për besimtarët katolikë dhe ashtu siç e do tradita, Papa Françesku ka larë këmbët e 12 grave në...

Aplikacioni i motit bëhet viral, paguan pushimet tuaja nëse bie shi

Është e thjeshtë: Ju rezervoni një udhëtim, blini një ” WeatherPromise” dhe merrni një rimbursim nëse moti ju prish planet. “WeatherPromise” është një aplikacion i...

3 pyetjet që duhet t’i bëni vetes përpara se të divorcoheni

Kur ndiheni të pakënaqur në martesën tuaj, me siguri që pyesni veten: “A duhet të divorcohem?” Ndjenjat për partnerin/en, fëmijët, bashkërendimi i të gjitha...

“Voyage Privé”: Shqipëria, zbuloni thesarin e fshehur të Mesdheut

Dëshironi të bëni zbulime të reja? Magjepsuni nga pasuritë historike dhe kulturore të Shqipërisë, shkruan revista franceze e udhëtimeve “Voyage Privé”. Eksploroni peizazhet e saj...

Lajme të tjera

Web TV