Mjeku i Infektivit, Pëllumb Pipero ka dhënë detaje për 13 mjekët dhe infermierët të konirmuar ditën e sotme nga autoritetet e shëndetësisë të infektuar me COVID-19.
Pipero deklaroi në emisionin “Open” se ka qenë një infermiere që ka infektuar më pas dhe kolegët e saj.
Sipas mjekut e infektuara në fjalë nuk dihet se ku e ka marrë virusin, ndërsa shton se pavarësisht se i është këshilluar që të izolohet që në momentin që ka shfaqur shenjat, infermierja ka hezituar dhe ka shmangur këshillimin.
“I është rekomanduar të izolohet, por nuk e ka zbatuar këshillën. Ka qenë papërgjegjshmëri e një individi. Nuk e dimë ku e ka marrë infeksionin. Ka shfaqur shenja të COVID-19. Ndërkohë po hetohet rasti se ku mund ta ketë marrë. Personeli mjekësor nuk duhet të humbas vigjilencën.” tha mjeku Pipero.
