Është shënuar një rritje e ndjeshme e rasteve të reja me koronavirus në 24 orët e fundit në Kosovë.
Instituti Kombëtar i Shëndetësisë Publike konfirmoi se nga 311 teste të realizuara në 24 orët e fundit, 12 prej tyre kanë rezultuar pozitiv me COVID-19.
Rastet e reja janë raste kontakti nga: komuna e Vushtrrisë 6 raste, komuna e Prizrenit 5 raste dhe 1 rast me vendbanim në Mirushë, Malishevë. Në total numri i të infektuarëve me COVID-19 në Kosovë ka arritur në 1064 persona.
Gjatë 24 orëve të fundit betejën me COVID-19 e kanë fituar dhe 9 pacientë të tjerë, duke e çuar në 829 numrin total të të shëruarëve.
Gjithsej, në Kosovë janë shënuar dhe 30 viktima nga COVID-19, të cilët kanë pasur dhe sëmundje të tjera shoqëruese./E.B./Fjala.al