Ish-presidenti i Republikës Bamir Topi është shprehur se në fund të Reformës Zgjedhore nuk do kemi asgjë.
Topi ka deklarur për “News24” se politika po merr në dorë fatin e zgjedhjeve. Ndërkohë, lidhur me presidentin Meta, Topi u shpreh se ai po kryen detyrën e tij në mënyrë institucionale.
“Jemi sot në situatën kur pas zgjedhjeve ka akuza. Parlamenti është kthyer në institucionin më të dobët historikisht. Janë futur në kullë, në mungesë të transparencës. Politika sot merr në dorë në mënyrë monopoliste fatin e zgjedhjeve. Janë futur, do respektojnë datën 31 maj, që të jenë në rregull edhe me ndërkombëtarët e në fund nuk do kemi asgjë. Presidenti Meta natyrisht ka thënë se reforma duhet të bëhet. Është munduar që të mbajë postin që ka, atë pozicion. Nga pikëpamja institucionale e lan veten në këtë pjesë. Përgjegjësinë e ka Këshilli Politik. Gjërat ama nuk po shkojnë mirë. Tashmë e tutje askush nuk duhet të ankohet më”, vlerësoi Topi.
Për Bamir Topin, kryetari de facto i Partisë Demokratike është ende ish-kryeministri Berisha.
“Nuk merrem personalisht me zotin Basha, por nuk shoh opozitë për një premisë për të qenë në pushtet. Edhe tek Reforma Zgjedhore, opozita po kënaq orekset e maxhorancës. Opozita bëhet me maxhorancën, në kohën që ka vjedhje votash. Basha thotë se jemi për maxhoritar për lista të hapura, kurse nesër del Berisha e thotë nuk e ndryshojmë sistemin e përfundimisht PD nuk bën asgjë. PD nuk drejtohet nga kryetari de jure, por kryetari de facto. Këtu nuk ka alternativë. Demokracia ka nevojë për të rilindur”, deklaron Topi. /Fjala.al/k.b
