Dita e sotme mund të jetë e fundit si kryeministër i Kosovës për Albin Kurtin, megjithatë ai është shprehur se ndjehet shumë mirë.
Në një prononcim të shkurtër për Klan Kosovën, teksa po dilte nga banesa e tij, Kurti tha se po shkon në mbledhjen e qeverisë ku do të merren disa vendime të rëndësishme.
“Shumë mirë. Në ora 10:00 kemi një mbledhje të qeverisë ku do të marrim disa vendime të rëndësishme. Vendimi i parë që do ta nënshkruaj tash menjëherë është ai për ndihmën nga 30,000 euro dy familjeve të minatorëve që humbën jetën fatkeqësisht në Minierën e Artanës”.-tha ai.
Kurti nuk ka treguar nëse pret që Kosova të ketë qeveri të re sot, ndërsa ka vazhduar drejt ndërtesës së Qeverisë për mbledhjen, që mund të jetë e fundit, e drejtuar nga ai.k.t/Fjala.al/