Paraditen e kësaj të hëne mbeti i plagosur në një atentat mafioz, biznesmeni Ardian Çapja, një prej emrave më të njohur nga uniformat blu në vendin tonë. Çapja u ka shpëtuar dhe më herët atentateve, ndërkohë që ngjarjet lidhen me konflikte të vjetra të fisit.
55-vjeçari nga Elbasani u qëllua me snajper brenda banesës së tij, ndërkohë që autorët, ende të paidentifikuar, dogjën automjetin në dalje të qytetit në një zonë të pyllëzuar.
Çapja iu nënshtrua një operacioni te Traumës në Tiranë pas plumbit të marrë në shpatull, ndërkohe që shihet një siguri e lartë në dyert e këtij spitali.
Në fotot e siguruara nga LSA-ja shihet prezenca e katër policë të armatosur dhe jashtë patrullon një makinë policie, ndërsa personat që hyjnë në spital duhet të kenë një mjet identifikimi./E.B./Fjala.al
