Në përballjen që gazetari Alfred Lela pati me kryeministrin Edi Rama në emisionin “Real Story”, ky i fundit u shpreh se nuk ishte i gatshëm të besonte versionin e gazetarit se ishte dhunuar nga policët në protestën e 17 majit, kundër shembjes së godinës së Teatrit Kombëtar. Edhe pse momenti i ndalimit ishte i filmuar dhe shenjat në trupin e gazetarit ishin të dukshme, sërish Rama tha se ato plagë mund të ishin shkaktuar kudo dhe se nuk besonte se gjatë shoqërimit kishte patur dhunë.
Sot gazetari Lela ka publikuar konkluzionet e ekspertit mjeko-ligjor, ku saktësohet se:
1-Tek shtetasi Alfred Lela u konstatuan shembje e indeve te butës të kokës dhe qafës shoqëruar me kufizim të lëvizje të kokës si dhe dërmishje dhe elkimoza me lokalizim dhe karakteristikat e përshkruara më lart.
2- Dëmtime e mësipërme janë shkaktuar me mjet të fort mbrehtës.
3-këto dëmtime hyjnë në kategorinë e atyre që japin humbje të aftësisë së përkohshme për punë në masën mbi 9 ditë.
Pas publikimit të raportit mjeko-ligjor, Alfred Lela shkruan: “Eksperti mjeko-ligjor (i shtetit) ka parë këto shenja dhe të tjera, që specifikohen në raportin zyrtar, që Rama, Lleshi e të tjerë lokalë, por edhe ndërkombëtarët, të cilat e ngrenë zërin edhe për macet e humbura, nuk ua kanë zënë sytë.
Ja ku i kanë, në rrugë e sipër për në gjykatë. Ndoshta nuk i sheh as gjykata. Të gjithë këta bashkë mund të mos kenë sy, por, sa për vete, atë zë që kam nuk ma heshtin dot.”/Fjala.al
s.k
