Ka ndërruar jetë 35-vjeçari, i cili mbeti i plagosur në aksidentin e regjistruar pasditen e sotme në aksin rrugor Korçë-Maliq, pranë fshatit Bulgarec.
Ai u nis me helikopter drejt Traumës në Tiranë, por nuk ka arritur t’iu mbijetojë dot plagëve të marra duke mbërritur i pajetë në spital. Ora News raporton se viktima është shtetasi Kristi Plluska, i cili ishte drejtuesi i fugonit tip “Volkswagen” të Postës Shqiptare.
Pas aksidentit u desh të sharrohej dera e fugonit për ta nxjerrë 35-vjeçarin jashtë automjetit.
Njoftimi i aksidentit:
Më datë 09.06.2020, rreth orës 14:00, në aksin Korçë-Bulgarec, janë përfshirë në një aksident rrugor mjeti tip “Benz” me drejtues shtetasin N. S., me mjetin furgon tip “Volkswagen” të Postës Shqiptare, me drejtues shtetasin K. P., rreth 35 vjeç, i cili për pasojë është dëmtuar dhe u transportua në Spitalin e Korçës për mjekim, ku ndodhet nën kujdesin intensiv të mjekëve.
Shtetasi N.S, ndodhet i shoqëruar në ambientet e Komisariatit për veprime të mëtejshme.
Grupi hetimor po punon për zbardhjen e rrethanave të ngjarjes dhe përcaktimin e shkaqeve të aksidentit.
/E.B./Fjala.al
