Protesta e maturantëve/Komiteti i Maturës Shtetërore: Sot publikohet testi me përgjigjet

113 563 lexime

106,048FansaPëlqeje

Komiteti i Maturës Shtetërore 2020 ka reaguar në lidhje me ankesat e maturantëve për provimin e maturës që i ka çuar prej tre ditësh në protesta. KOMSH-i deklaron se është gjykuar që të rishihet mënyra e shpërndarjes së notave sipas pikëve të marra nga maturantët në test, për të shmangur shqetësimin e maturantëve mbi notat e tyre, gjë që ka efekt të njëjtë për të gjithë ata. Kjo do të bëhet sipas KOMSH-i vetëm pasi të kemi rezultatin e pikëve të marra nga maturantët.

“Komiteti i Maturës Shtetërore 2020 (KOMSH), që në ditën e parë pas provimit të Gjuhës shqipe dhe Letërsisë, ka vlerësuar me kujdes reagimet e maturantëve dhe të mësuesve të tyre, si dhe kërkesat adresuar Ministrisë së Arsimit, Sportit dhe Rinisë, duke synuar mundësitë e zgjidhjes së tyre pa ndikuar në procesin e Maturës Shtetërore.

Në komunikim me mësues të gjuhës shqipe dhe letërsisë dhe në bashkëpunim me Qendrën e Shërbimeve Arsimore (QSHA) është gjykuar që të rishihet mënyra e shpërndarjes së notave sipas pikëve të marra nga maturantët në test, për të shmangur shqetësimin e maturantëve mbi notat e tyre, gjë që ka efekt të njëjtë për të gjithë ata. Kjo do të bëhet vetëm pasi të kemi rezultatin e pikëve të marra nga maturantët”, thuhet në njoftim.

Ndërkohë QSHA do të publikojë që sot testin e plotë dhe për çdo pyetje përgjigjen e saktë, në mënyrë që çdo maturant duke u konsultuar me to, të mund të bëjë një vetëvlerësim të asaj çka ai është përgjigjur në test.

Menjëherë sapo të dalin rezultatet, maturantët krahas notës së tyre do të kenë dhe variantin që kanë pasur në provim me alternativën e saktë.

Lexo edhe :  Covid-19 / Ulet numri i rasteve ditore dhe i viktimave në Shqipëri

Maturantët duhet të jenë të qartë dhe të bindur se puna e tyre në tri vitet e gjimnazit, si dhe puna e mësuesve, do të vlerësohet me objektivitet, duke iu garantuar se personalizimi i testit nuk sjell asnjë ndikim në vlerësimin e tyre.

Duke vlerësuar çdo koment apo sugjerim të dhënë në këto ditë në media apo rrjete sociale nga ekspertë të fushës, si dhe nga mësuesit, të cilët njohin nga afër programin dhe nivelin e nxënësve të tyre, i ftojmë ata që sot në një tryezë për të diskutuar konkretisht mbi cilësinë e pyetjeve të testit dhe përputhjen e tyre me programet orientuese të Gjuhës shqipe dhe Letërsisë, ashtu siç ka garantuar QSHA-ja.

Nesër, maturantët kanë provimin e Matematikës dhe më pas atë me zgjedhje, për të cilët gjykuam dhe e shtuam orarin e provimit edhe me 30 minuta më shumë, meqenëse ata e kërkuan dhe ndjehen më mirë gjatë plotësimit të testit.

KOMSH-i i uron suksese të gjithë maturantëve në këto provime, dhe është i gatshëm për të mirëpritur dhe adresuar çdo shqetësim të tyre./Bl.Ba/Fjala.al


Të fundit

“Foreign Policy” trondit Turqinë: Erdogani mund të mos jetë në gjendje të drejtojë vendin

Mediat botërore janë duke iu referuar gjithnjë e më shumë shëndetit të Presidentit të Turqisë Erdogan dhe fatit të...

Makina përplaset në stacionin e autobusit, plagosen burrë e grua

Një aksident ka ndodhur këtë pasdite në Durrës. Policia njofton se një makinë ka humbur kontrollin dhe ka dalë jashtë rruge, duke përplasur një...

‘Tetori rozë’/ Mamografitë do të kryhen deri në 8-të të mbrëmjes për 6-të ditë të javës, gjatë gjithë muajit

Ministrja e Shëndetësisë Ogerta Manastirliu, në kuadër të fushatës së ndërgjegjësimit kundër kancerit të gjirit, ka vizituar Poliklinikën Qendrore në Tiranë, ku është instaluar...

Ganezja u vra nga i dashuri në Tiranë, nëna e viktimës mëson për ngjarjen nga telefonata e gazetarit

Klinton Pira e qëlloi me thikë Milin, e cila ndërroi jetë pas plagëve të marra dhe më pas u hodh nga kati i tetë...

Pandora Papers: Ish-kryeministri Tony Blair dhe bashkëshortja fituan qindra mijëra paund nga shmangia e taksave

Gjatë kohës kur ishte kryeministër, në vitet 1997-2007, Tony Blair premtoi se do të bënte çdo gjë për të luftuar evazionin fiskal. Sidoqoftë, dhjetë...

Lajme të tjera

Web TV