Richard Grenell, i dërguari i SHBA-ve për dialogun midis Kosovës dhe Serbisë, pas një vizite në Shtëpinë e Bardhë, ka treguar se qëllimi kryesor i takimit të 27 qershorit në Washington janë temat ekonomike.
Ai është shprehur se si në Kosovë dhe në Serbi të rinjtë duan shpresë, punë të reja dhe zhvillim ekonomik.
Grenell ka kritikuar disa ekspertë që më parë janë marrë me problemet e Kosovës dhe Serbisë, duke thënë se nuk kanë trajtuar problemet ekonomike por vetëm ato politike.
“Ne vendosëm që të përfshihemi sepse ka pasur një histori të gjatë me shumë ekspertë, të ashtuquajtur ekspertë, të cilët i kanë shtyrë vetëm në probleme politike, duke injoruar ato ekonomike. Kur kam diskutuar për problemet e të rinjve në Kosovë dhe komunitetit të biznesit, po ashtu edhe në Serbi, ka qenë e qartë se dëshironin zhvillim të ekonomisë, kanë dashur punë të reja, kanë dashur shpresë”,- u shpreh ai për televizionin amerikan Newsmax.ka.ta/Fjala.al/
