Politika në Kosovë së fundmi është tronditur në lidhje me akuzën zyrtare që Hashim Thaçi, Kadri Veseli dhe të tjerë kanë marrë për një sërë krimesh.
Konkretisht akuzohen për krime kundër njerëzimit dhe krime lufte ndër të cilat, vrasje e paligjshme, zhdukje e detyruar e personave, përndjekje dhe tortura.
Sipas mediave kosovare Hashim Thaçi do të përballet me një akuzë zyrtare nga Gjykata e Hagës.
Në 24 prill 2020, Zyra e Prokurorit të Specializuar u paraqiti Dhomave të Specializuara të Kosovës një aktakuzë me dhjetë pika për shqyrtim prej Gjykatës, ku Hashim Thaçi, Kadri Veseli dhe të tjerë akuzohen për një sërë krimesh.
Sipas Zyrës së Prokurorit të Specializuar, Thaçi dhe bashkëpunëtorët e tij, janë përgjegjës për 100 vrasje të paligjshme gjatë luftës.
/Fjala.al/Ke.Ba
