Një nga problemet më të mëdha të ekonomisë shqiptare është ajo pjesë e buxhetit që jepet për pensionet. Këtë e pranon profesori i ekonomisë Adrian Civici . Në emisionin HARD TALK NGA ROLAND QAFOKU, Civici deklaroi se problemi i pensioneve është tepër i rëndësishëm.
Edhe problemi i pensioneve është një problem shumë i rëndësishëm sepse ne jemi në një sistem ku dominon skema ku ai që kontribuon, kontribuon për dikë tjetër që e merr. Ne nuk jemi futur në atë masë që duhet as pensionet suplementare dhe as pensionet private. Aq më pak atë që quhet kapitalizmi i pensioneve, pra që ti të marrësh pension atë që ke derdhur vetë gjatë jetës e cila trajtohet si kapital si kursim dhe shteti nuk mban përgjegjësi. Kurse këtu shteti mbush çdo vit më shumë se 500 milion euro gropën e sistemit të pensioneve. Pra, po të vëmë në balancë pagesat që bëhen në Sigurimet Shoqërore dhe asaj që jep shteti çdo vit nga buxheti i shtetit gati 500 milion kompensohet. Kemi filluar një reformë pensionesh që do të dojë një periudhë 10-15 vjeçare nëse do jetë në ato efekte që duhet sepse ka dhe efekte sociale ndaj është shtyrë vazhdimisht. Kemi filluar të përdorim dhe atë që quhet kolonë e dytë, pra pensionet suplementare që ti të marrësh një minimum social si pension dhe pjesën tjetër ta kompensosh me kontribute të tjera që ke dhënë ose të fillohet me pensionet private që është një skemë që hyn te skemat liberale./Fjala.al/Ke.Ba
https://www.youtube.com/watch?v=cqKUK-8R_ss