Kosova s’mund të shkoj me pranga në duar në Uashington

113 563 lexime

77,322FansaPëlqeje


Presidenti i Kosovës Hashim Thaçi dhe Kryetari i Partisë Demokratike të Kosovës, Kadri Veseli, janë në një proces hetimi nga Dhomat e Specializuara të Gjykatës së Hagës, pasi Prokurori special ka dorëzuar më 24 Prill një aktakuzë me dhjetë pika kundër tyre.

Njoftimi i zyrës së Prokurorit special bëhet tre ditë para takimit Kosovë Serbi në Shtëpinë e Bardhë, dhe dy muaj pasi është dorëzuar në Gjykatë.

Sado të jesh neutral në këtë histori, është e dukshme, se fakti që kemi të bëjmë me njoftim për akuzën disa muaj pas dorëzimit të saj dhe tre ditë para takimit në Uashington, dhe jo me ndonjë padi të konfirmuar, është goditje politike për Kosovën.

Përdorimi i njoftimit të dorëzimit të aktakuzës për qëllime politike në këtë rast është flagrant, dhe praktikisht asgjëson autoritetin e delegacionit të Kosovës për bisedime me Serbinë.

Akoma më e pafavorshme, është, që ne sot të ngrejmë teori konspiracioni rreth Gjykatës Speciale dhe përzierjen e politikave evropiane kundër SHBA në këtë histori. Në çdo rast Kosova do të dal e humbur.

Fakti është se Delegacioni i Kosovës në Uashington është gjymtuar. Kosova ka tashmë nën akuzë Presidentin e Republikës, ish kryeministrin, ish kryetarin e parlamentit dhe disa figura të tjera të dorës së dytë.

Në këto kushte delegacioni i Kosovës në Uashington, do të përballet me agresorët serb, jo si viktimë, por padrejtësisht si agresorë dhe kjo e bën qeshrakë atë takim.

Njoftimi politik i zyrës së Prokurorit Special nuk ka dëmtuar Hashim Thaçin por takimin e Uashingtonit. Ndaj ky takim nuk ma kuptim. Atë duhet ta anuloj i gjithë delegacioni i Kosovës, duke ju falenderuar SHBA për vullnetin e saj për ta çuar para zgjidhjen e problemit mes shqiptarëve dhe serbëve, por duke pritur qartësimin e aktakuzave dhe gjykimin e tyre.

Lexo edhe :  Shënohet viktima e 31 nga COVID-19 në Kosovë

Shqiptarët dhe serbët, nuk mund të bisedojnë me njëri tjetrin, në një tavolinë, ku gjysma e delegacionit i ka duart në zinxhirët e prangave.

Anulimi i takimit në Uashington, është respekt real ndaj SHBA dhe Presidentit të saj që kërkon ta nxis këtë proces. Kjo nuk e dështon iniciativën e tij, por e bën të domosdoshme nevojën për bisedime në kushte të barabarta.

Njoftimimi i zyrës së Prokurorit, nuk është bërë për të damkosur HashimThaçin. Ky njoftim është bërë për të prishur pikërisht takimin e Uashingtonit.

Hashim Thaçi nuk ka pse ndjehet as i shqetësuar dhe as i frustruar nga kjo lëvizje. Asnjë politikan i Kosovës deri më sot nuk ka humbur politikisht pse është ballafaquar me akuzat e Gjykatës së Hagës. Përkundrazi shumë prej tyre janë në politikë vetëm fal këtyre akuzave që nuk janë provuar. Dhe këtu nuk po flasim ende për padi penale, por për një taktikë të marrëdhënieve publike të Zyrës së prokurorit të specializuar.

Në rafshin personal, kjo është e vetmja gjë që i jep vlerë figurës së tij politike dhe i jep më shumë jetë karrierës së tij politike.

Por në rrafshin kombëtar, publikimi i aktakuzës ndaj tij, para një takimi historik , është goditje nën brez për Kosovën dhe përpjekje për ta kthyer agresorët serb në viktima dhe shqiptarët në agresorë.

Historia nuk mund të përmbyset me deklarata prokurorësh që duan të përdorin politikën ndërkomëbtare për t’u bërë të rëndësishëm në punën e tyre.

Nevoja për pajtim historik mes shqiptarëve dhe serbëve , nuk mund të tejkaloj të vërtetën historike, që shqiptarët ishin vitkima të serbëve në këtë histori. Dhe nëse kjo e vërtet nuk respektohet, çdo paqe do të jetë fallco, e padenjë dhe e paqëndrueshme. /Tema.

Të fundit

Lushnja më dy dhe tre korrik pa drita, ja zonat dhe oraret

Energjia Elektrike do të ndërpritet në disa fshatra dhe zona të qytetit të Lushnjës më dy dhe tre korrik. Lajmin...

Mbyllja e kufijve/ Pipero: U ndëshkuam se dhamë shifra të sakta

Mjeku infeksionist Pëllumb Pipero e cilësoi të nxituar vendimin e BE për të veçuar Shqipërinë nga lista e vendeve të vizitueshme. Ai shprehet i bindur...

FOTO/ Zhduket prej 2 ditësh 80-vjeçarja në Tiranë, familjarët: Është e sëmurë, na ndihmoni ta gjejmë

Një grua 80 vjeçe është zhdukur prej dy ditësh dhe familjarët kanë denoncuar rastin në polici e media. E moshuara e identifikuar si Drita...

Kroacia heq izolimi 14-ditor për qytetarët e vendeve të Ballkanit

Kroacia e ka hequr masën e izolimit 14-ditëshe, për personat që hyjnë nga Bosnja dhe Hercegovina, Serbia, Maqedonia e Veriut dhe Kosova. Ministri i Brendshëm...

Çështja e pronave/ Lame: Jam kërcënuar shumë herë, do të bëj këtë e do të bëj atë

Drejtori i Kadastrës, Artan Lame deklaron se ka marrë shumë kërcënime lidhur me punën që bën, por nuk shqetësohet për to. Ai thotë se kërcënimet...

Lajme të tjera

Web TV