FSHF ka hedhur sot shortin për çiftet gjysmë-finaliste për Kupën e Shqipërisë.
Shorti ka caktuar çiftet Kukësi-Teuta dhe Bylis-Tirana.
Ndeshjet e para do të luhen në 2 korrik, ndërsa ndeshjet e kthimit më 15 korrik. Finalja që do të përcaktojë fituesin e Kupës së Republikës do të zhvillohet më 2 gusht.
Vlen të theksohet se shorti shmangu një “finale të parakohshme” Kukësi-Tirana, të cilat ndodhen të dyja në krye të tabelës së klasifikimit në Kategorinë Superiore dhe janë dy ekipet e vetme që janë në garë për titullin kampion, me kryeqytetasit që duken më pranë saj.
Gjithsesi në gjysëm finale të kupës, të dy ekipet nuk do ta kenë të lehtë përballë Teutës dhe Bylisit./En.Br./Fjala.al
