Blue Ivy po ndjek që tani hapat e nënës së saj, fituese e dhjetëra çmimeve muzikore. 8 vjeçarja ka rrëmbyer mbrëmjen e të dielës çmimin e saj të parë ndërkombëtar, një BET Aëard, për këngën në bashkëpunim me nënën e saj Beyonce, “Brown Skin Girl”, që është njëkohësisht edhe kolona zanore e filmit “Mbreti Luan”.
Dyshja nënë e bijë fituan edhe pse përballë kishin emra si Alicia Keys, Ciara, Lupita Nyong’o, Ester Dean, City Girls, LaLa, Layton Greene, Lizzo, Missy Elliot, Rapsody dhe PJ Morton.
Ajo çka bie në sy në duetin e tyre është zëri dhe talenti i 8 vjecares Blue Ivy. Kënga nis pikërisht me zërin e saj dhe me tekstin: “Vajza me lëkurën kafe, lëkura jote ngjan si perlë, është gjëja më e mirë në botë, mos e këmbe kurrë me asgjë tjetër”
Beyonce u nominua edhe për disa çmime të tjera mes të cilave si Artistja më e mirë femër për R&B dhe Pop, Albumi më i mirë i vitit dhe kategoritë e filmave më të mirë. Përveç muzikës, Blue Ivy ka shfaqur aftësitë e saj edhe në kërcim, pasi ka qenë pjesë e baletit në disa video-klipe të saj.
/En.Br./Fjala.al
