Kryeministri Edi Rama ka nisur ditën e dytë të takimeve me liderët politikë në Kosovë. Ditën e sotme pritet të takohet me kreun e Lidhjes Demokratike të Kosovës, Isa Mustafa, me kreun e Aleancës Kosova e Re, Behgjet Pacolli dhe kreun e Komunës së Prishtinës, Shpend Ahmeti.
Ndërsa një ditë më parë, Rama takoi Presidentin e Kosovës, Hashim Thaçi, Kryeministrin Avdullah Hotin, kreun e LVV, Albin Kurti, kryetaren e Kuvendit, Vjosa Osmani, kreun e Nismës, Fatmir Limaj dhe me kreun e PDK-së, Kadri Veseli.
Gjithashtu, në agjendën e tij ishte planifikuar dhe një takim me kreun e Alenacës për Ardhshmërinë e Kosovës, Ramush Haradinaj, por ky i fundit e refuzoi duke thënë se nuk mund të shtrëngonte duart me Ramën, pasi e ka paditur për shpifje.
Ndërkohë në fund të takimeve me liderët politikë të Kosovës, Rama pritet të mbajë dhe një konferencë për mediat ku do të tregojë detaje nga takimet e zhvilluara.
Kujtojmë se kjo vizitë vjen pak ditë më parë pasi Presidenti i Kosovës, Hashim Thaçi, kreu i PDK-së Kadri Veseli, si dhe 9-ish luftëtarë të UÇK-së u akuzuan për krime lufte nga Prokuroria e Speciale. Politika shqiptare dhe ajo kosovare u bënë një dhe dolën në mbrojtje të ish-ushtarëve të UÇK-së, madje kryeministri Rama i quajti heronj të luftës./Re.Gu/Fjala.al
