Kryetarja e Kuvendit të Kosovës, Vjosa Osmani, është kërcënuar me jetë në rrjetet sociale pasditen e djeshme.
Policia e Kosovës ka njoftuar se gjatë ditës së djeshme ka nisur hetimin për një rast kanosjeje, që ka ndodhur rreth orës 16:37.
Po nga policia është bërë me dije se një person ka raportuar se në llogarinë e rrjetit social Twitter i ka ardhur një kërcënim në gjuhën angleze.
“Sheshi Ibrahim Rugova, Prishtinë, 23.06.2020-16:37. Ankuesi mashkull kosovar, ka raportuar se në llogarinë e rrjetit social Twitter ka ardhur një kërcenim në gjuhën angleze. Lidhur me rastin është njoftuar prokurori”,-shkruhet në raportin e policisë raporton telegraf.
Më tej raportohet se personi i kërcënuar është pikërisht Vjosa Osmani, megjithatë deri më tani ajo nuk ka reaguar ende.ka.ta/Fjala.al/
