Pas negocatiave me institucionet, transporti publik nis javën e ardhshme

113 563 lexime

124,178FansaPëlqeje

Burimet i thanë gazetës “Si” se të hënën me shumë gjasa do të nisë aktiviteti i transportit publik për linjat që nuk kanë filluar ende. Ndërsa punonjësit e transportit publik, kanë dalë sot (të premten) në protestë për të kërkuar pagën e dytë të luftës që i është premtuar nga qeveria.

“Qeveria paguan deputetët e rrugës, paguan karburant për ta edhe në kohë pandemie kur ata kanë qëndruar në shtëpi. Shoqata të bëjë çfarë të dojë, unë nuk filloj punën. Kemi familjet pa bukë. Shoqata të punojë vetë. Ne duam pagën e dytë”– shprehet një prej punonjësve.

Të gjithë në unison kanë një kërkesë të vetme; pagën e dytë të luftës sepse kanë që në mars pa punë dhe pa asnjë të ardhur. Gazeta “Si”, pyeti përfaqësues të njërës prej shoqatave nëse ka një kontradiktë këtu; teksa burime pranë shoqatave kanë rënë dakord për të nisur punën ditën e hënë, ndërkohë që punonjësit nuk pranojnë të nisin pa marrë pagën e dytë të luftës.

“Jo nuk ka asnjë kontradiktë këtu. Punonjësit janë në gjendje të mjerueshme. Nëse bizneset kanë ndonjë kursim për të mbijetuar, ata jo. Nuk mund të jetojnë pa asnjë të ardhur. Atyre u është premtuar paga e luftës dhe Ministria e Financave të zbatojë premtimin që të nisim nga puna të hënën. Java tjetër do të ketë shumë zhvillime në sektorin tonë”- u shpreh një burim pranë njërës prej shoqatave të Transportit Publik.

Teksa rastet e infektimeve me Covid-19 po shtohen dita-ditës në vend duke krijuar një situatë të paqartë dhe të pasigurt të sigurisë shëndetësore; nga njëra anë janë punonjësit e transportit publik që po klithin për ndihmë se nuk kanë të ardhura për të jetuar, nga ana tjetër është pretendimi i shoqërive të transportit nën ombrellën e shoqatave që këmbëngulin deri në fund për plotësimin e kërkesave të tyre dhe pala tjetër Ministria e Infrastrukturës që e ka mbyllur historinë me transportin me një paketë mbështetëse për të që edhe pse u artikulua gati një javë më parë, nuk është bërë ende publike dhe nuk dihet se çfarë përmban.

Lexo edhe :  Goro dhe Beleri në qeli, vendi për kryetarin e bashkisë së Himarës shpallet vakant

Por janë edhe njerëzit, veçanërisht ata pa asnjë alternativë transporti që i kanë sytë çdo ditë nga mediet për të mësuar se kur do të nisë transporti publik. Është një puzzle prej 1 mln dollarësh që bëhet e ç’bëhet në momentin e vendosjes së copëzës së fundit të puzzlit.

Por ajo që dihet me siguri, hallexhinjtë e historisë janë punonjësit e transportit dhe njerëzit që kanë transportin publik si alternativë të vetme komunikimi me vendndodhjet dhe vend-punët e tyre. Shoqëritë e transportit, pavarësisht se kanë të drejtë legjitime të drejtojnë kërkesat e tyre qeverisë dhe të presin tu plotësohen, shohin vetëm interesin e tyre.

Edhe në kohë “paqeje”, autobusët e transportit publik kanë qenë përherë problematikë për qytetarët; që nga tejmbushja, mosfunksionimi i ventilimit dhe kondicionimit, vjedhja nga hajdutët e xhepave, etj. Nëse transporti publik nis të hënën, siç bënë me dije burime pranë shoqatave të transportit për gazetën “Si”, shoqëritë e transportit nuk duhet ti harrojnë këto muaj, por të reflektojnë dhe ti ofrojnë një shërbim dinjitoz qytetarëve./Gazeta Si

Të fundit

Vrau me thikë bashkëjetuesen dhe u largua / Apeli lë në burgim të përjetshëm Ramiz Micin

Referuar raportimeve të mëparshme në media, Gjykata e Apelit të Juridiksionit të Përgjithshëm, informon sa më poshtë: Në Gjykatën e...

600 mijë euro për të prezantuar BBV? Arbana përgjigjet pas largimit nga Topi

Ish-moderatorja e Big Brother VIP Albania, Arbana Osmani, ka vendosur të ndajë mendimet e saj të qëndrueshme rreth çështjeve shumë të përfolura në media...

3 shenjat e horoskopit që e lëshojnë dorën thuajse gjithnjë me miqtë për para borxh

Nëse i jepni një shoku apo shoqeje vetëm ca lekë borxh sepse ka harruar portofolin në shtëpi, kjo është tjetër gjë krahasuar me disa...

‘Ethet e Dengës’?/ OBSH ngre alarmin: Sëmundje virale, ka shënuar shifra rekord këtë vit

Epidemia e Etheve të Dengës po përhapet me shpejtësi në Karaibe dhe Amerikën latine, duke shënuar shifra record nga fillimi i vitit deri tani....

“Në Maj nisin faturimet e reja”/ Ja sa kilovati do të paguajnë furrat që tregtojnë bukë

2600 furra buke që operojnë në mbarë vendin nuk do të preken nga rritja e çmimit të energjisë elektrike. Nga Lushnja, Zv/Kryeministria Belinda Balluku...

Lajme të tjera

Web TV