Aktori i njohur Koço Devole ka rrëfyer prapaskenat e filmit “Dy gisht mjaltë”, ku ai kishte rolin e babit të Elvana Gjatës. Në një intervistë për TCH ai tregoi se skena më e vështirë e xhiruar ka qenë momenti kur Elvana duhej të qante pas ndarjes nga partneri.
Devole u shpreh se këngëtares nuk i dilnin lotët dhe e vetmja mënyrë për të bërë atë të qante ishte duke i hedhur tym cigareje në fytyrë.
‘Ajo ka qenë një skenë e vështirë sepse ajo mezi qante. Ajo thoshte s’më dalin lotët. Gjetëm cigare dhe i them Ermalit, ndiz cigaren, e ndezëm të dy dhe i frymë në sy. I dolën lotët dhe hyri skena më në fund,”– u shpreh Koço Devole.
