“Distancohuni sa më shumë nga ambiente ku ka shumë njerëz, nga ambiente ku riskojnë veten e tyre, riskojnë prinderit e tjerë, riskojnë personelin, riskojnë nënat që sapo kanë lindur.”
Ky është apeli i mjekut të maternitetit “Koço Gliozheni”, prof. Astrit Bimbashi që iu drejton qytetarëve. Bimbashi iu kërkon qytetarëve për zbatimin e masave anti-Covid dhe protokollet e rekomanduara nga Ministria e Shëndetësisë dhe Mbrojtjes Sociale.
“Ne jemi në spital dhe në spital ne duhet të mbrojmë veten, duhet të mbrojmë nenat, bebet e sapolindura. Të vazhdojmë të zbatojmë masat që ka aplikuar Ministria e Shëndetësisë, të zbatojmë protokollet e saj. Na duhet të themi që njerëzit që vijnë në spital, megjithese ne mundohemi të mos i lejojmë pavarësisht se për babain është një zgjidhje jo fortë e mirë nga pikpamja Sociale, por grumbullimet e njerëzve që janë jashtë spitalit janë po aq të rrezikshme sa çdo lloj grumbullimi tjetër kudo qoftë. I ftoj të gjithë të distancohen sa më shumë nga ambiente ku ka shumë njerëz, nga ambiente ku riskojnë veten e tyre, riskojnë prinderit e tjerë, riskojnë personelin, riskojnë nënat që sapo kanë lindur.
Shoh grumbullime nëpër klube, restorante, nëpër pazare, jashtëzakonisht të mëdha dhe shumë afër njëri-tjetrit, dua t’ju them qytetarëve që riskojnë në radhë të parë prinderit, fëmijët dhe vetveten e tyre. Por mosha e tretë dhe e katërt riskojnë jashtëzakonisht shumë, siç e keni parë tashmë në gjithë botën.” thotë mjeku prof. Astrit Bimbashi.
Mesazhin e tij e ka shpërndarë ministrja e Shëndetësisë Ogerta Manastirliu, e cila bën edhe një herë apel:
“Respektoni distancën 1.5 metër.
Vendosni maskë në çdo ambient të mbyllur dhe kudo ku nuk e ruani dot distancën fizike.
Mbani higjienën personale dhe kolektive”
/En.Br./Fjala.al
