Lidhur me ngjarjen e rëndë që ka tronditur vendin disa ditë ku u vetëflijuan nënë e bijë në Kombinat ka reaguar edhe Kyretarja e Bashkisë Përmet, Alma Hoxha.
Hoxha është shprehur se i ka njohur nga afër nënën Zhanetën dhe dy vajzat e saj dhe se ka një konsideratë shumë të lartë për to.
I konsieron si një familje shembullore, nënë shumë punëtore dhe vajza shumë të eduakuara ndërkohë që shprehet se duhet të përqendrohemi tek Blerta.
“Lajm tragjik dhe gjej rastin t’i shpreh ngushëllimit dy familjeve Josifi dhe Fejzo. Kanë qenë një familje shembullore, vajza shumë të urta, grua punëtore, vajza të shkolluara me rezultate shumë të mira në mësime. I kam njohur nga afër, kanë qenë gjitonët e mia. Të përshëndesnin ngrohtësisht, vetëm buzëqeshnin. Nëna e tyre ka qenë një grua shumë punëtore. Kam qenë e pranishme në varrim. Më vjen keq që këto vajza patën një fund të tillë. E gjithë vëmendja jonë, e institucioneve duhet të përqendrohet tek Blerta. Kjo duhet të jetë kryefjala se çfarë do bëhet me Blertën. Nuk e kam njohur babain. Vetëflijimi i tij ka ndodhur kur familja ishte në Përmet. Është një ngjarje tragjike po ne jemi munduar ta shohim në një këndvështrim tjetër të kujtojmë gjërat e bukura. Anisa ka qenë një vajzë model në gjimnaz me rezultate shumë të mira”, tha kryetarja e Bashkisë Përmet.
