Një ngjarje e rëndë është regjistruar mbrëmjen e djeshme në fshatin Kozare të qytetit të Kuçovës.
Një 62-vjeçare, e cila prej vitesh qëndronte në një karrocë me rrota, ka gjetur vdekjen në banesën e saj.
Mësohet se ajo ishte nxjerrë nga familjarët për të marrë ajër të pastër në ballkon për të marrë ajër të pastër dhe në një moment që ka qenë vetëm, në përpjekje për të rrotulluar karrocën, ka rënë poshtë nga një lartësi 1-metër.
E moshuara është dërguar me urgjencë drejt spitalit, por gruaja nuk mundi dot të mbijetojë për shkak të plagëve të marra në kokë gjatë përplasjes. Viktima është shtetasja Beruze Bejdo.
Mjekët e spitalit të Beratit kanë konfirmuar se, 62-vjeçarja kishte marrë goditje të forta në kokë dhe kishte pësuar edhe një çarje të thellë në pjesën e pasme të kokës, çarje e shkaktuar nga hekurat e karrocës me rrota, që e kishte zënë poshtë.
Shërbimet e policisë kanë shkuar në banesë për të bërë verifikimet, për të zbardhur dinamikën e ngjarjes tragjike.
/En.Br./Fjala.al