Sërish protesta në Beograd dhe Novi Sad, çfarë po ndodh në Serbi

113 563 lexime

77,487FansaPëlqeje

Në Beograd dhe Novi Sad të Serbisë, në mbrëmjen e së premtes, sërish janë organizuar protesta.

Në Beograd pas orës 19:00 qytetarët filluan të mblidhen para ndërtesës së Kuvendit të Serbisë, pavarësisht faktit se në fuqi është masa e ndalimit të tubimeve të më shumë se 10 personave, për të parandaluar përhapjen e koronavirusit të ri.

E njëjta masë është në fuqi edhe në Novi Sad.

Protesta në Novi Sad filloi menjëherë pas orës 18. Ashtu si në mbrëmjet e mëparshme, protestuesit mbartën një pankartë me mbishkrimin “Kushdo që të rrah me një shkop, ti i jep një revolucion”.

Disa qindra qytetarë u mblodhën gjithashtu në qendër të Nishit, një qytet në jug të Serbisë.

Arsyeja e protestës së parë, të mbajtur të martën, më 7 korrik, ishte njoftimi për shtrëngimin e masave epidemiologjike, siç është vendosja e orës policore.

Por, qeveria serbe nuk e miratoi një masë të tillë.

Qytetarët tani thonë se kanë pakënaqësi për sjelljen e shtetit gjatë epidemisë së koronavirusit dhe politikën e Partisë Përparimtare Serbe në pushtet.

Qytetarët po protestojnë edhe për shkak të reagimit të policisë ndaj protestave të mëparshme.

Protestat nuk kanë organizatorë. Thirrja për pjesëmarrje bëhet përmes rrjeteve sociale.

Në një konferencë të jashtëzakonshme për media, kryeministrja serbe, Ana Bërnabiq u bëri thirrje qytetarëve që të mos dalin në rrugë dhe të mos mblidhen, për shkak të rrezikut të përhapjes së koronavisurit.

Në Serbi gjatë 24 orëve janë shënuar 18 viktima nga sëmundja COVID-19, që e shkakton koronavirusi i ri.

Kryeministrja serbe tha se aktualisht 130 pacientë po trajtohen përmes respiratorëve.

Më herët, ministri i Shëndetësisë në Qeverinë e Serbisë, Zllatibor Lonçar, tha se kapacitetet e spitaleve ku trajtohen pacientët me COVID-19 janë mbushur./rel/

Lexo edhe :  Foto/ 30 vite diferencë, nënë e bijë ngatërrohen për motra binjake

la.mi/Fjala.al

Të fundit

Situata kaotike në Kakavijë, reagon Rudina Hajdari: Qeveria të lërë pushimet dhe…

Ndaj situatës kaotike në doganën e Kakavijës ka reaguar edhe deputetja e opozitës parlamentare Rudina Hajdari, e cila është...

Greqia ndalon hyrjen e shqiptarëve deri më 31 gusht, ja kush lejohet të kalojë

Qeveria greke ka zgjatur kufizimet për hyrjen e shqiptarëve në Greqi, deri më datë 31 gusht. Lajmin e ka bërë me dije ambasada greke në...

Dhëndri nga Fushë-Kruja ‘pishman’ që ditën e parë të martesës, ja çfarë shkruan në targën e makinës

Të gjithë mezi presin të martohen, por me kalimin e viteve kuptohet se ajo është dhe një "burgim" pasi të mungon liria që ke...

Pamje e pabesueshme/Radhë kilometrike në Kakavijë – VIDEO

Pika e kalimit kufitar të Kakavijës, është bllokuar nga radhë kilometrike të emigrantëve të cilët kthehen në shtetin fqinj. Shkak për krijimin e radhëve është...

Video që po thyen mitin, macja puthet me miun

Fraza si "macja me miun" është një thënie aq e vjetër sa vetë bota, e cila gjithmonë ka përshkruar sesi këto dy kafshë janë...

Lajme të tjera

Web TV