Komisioni i Ligjeve ka miratuar këtë të martë marrëveshjen e 5 qershorit, të arritur në Këshillin Politik nga palët politike ditë më parë.
Sot deputetët kanë votuar nen për nen të gjithë marrëveshjen, por duke bërë disa ndryshime teknike.
Pro marrëveshjes së 5 qershorit kanë qenë deputetët e maxhorancës dhe disa prej deputetëve të opozitës që kanë ngjitur dorën pas çdo neni të lexuar nga relatori Alket Hyseni.
“Pro, 3 kundër, asnjë abstenim, miratohet edhe në tërësi projektligji. Falenderoj Gjiknurin dhe kolegët e tjerë për punën e shkëlqyer që është bërë qoftë në komisionin e posaçëm, qoftë edhe për dakordësinë në Këshillin Politik, produkti u materializua. Kodi i ri zgjedhor është pasuruar” u shpreh Manja.
Bo.Ba/fjala.al
