Bëhet publike letra emocionuese që Lasgush Poradeci i ka shkruar vajzës së tij Kostandina.
Letër e cila i përket vitit 1974, ku shkrimtari i njohur Lasgush Poradeci i ka shprehur bijës së tij të madhe filozofinë e jetës dhe gjithë ç’ka ndjente ai.
Këshillat dhe dashuria që Lasgushi i ka shprehur vajzës së tij janë shumë emocionuese.
Ai ka zgjedhur të ilustrojë filozofinë e tij për jetën nëpërmjet disa vargjeve duke i thënë kështu bijës së zemrës që do të jetë gjithmon aty për të.
“Unë jam si gur në lum, që uji shkon por guri mbetet” shkruhet në letrën e tij kushtuar Kostandinës.
Kjo letër emocionuese është bërë publike nga gazetarja e njohur Beti Njuma e cila në ditë fundjave ka menduar të ndajë me miqtë e saj këta rreshta të vyer të Poradecit.
Letra e Lasgush Poradecit
LASGUSH PORADECI
Letër vajzës së tij të madhe Kostandina, 1974
“… që të jetë njeriu vetëm duhet fuqi e madhe e zemrës, si dhe fuqi e madhe e shpirtit, them që e kam atë fuqi durimtare aq të madhe, d.m.th.aq sa më duhet për valët e jetës. Shumë herë dëshpërohem me një dëshpërim humbas kurajën, kurajën e madhe, shumë herë më ka lëshuar kurajo po prapëseprapë kam mundur ta marr veten, t’i kaloj valët, ta kaloj ujin, edhe kështu, bijë e babit, jam si një gur në lumë, që uji shkon, po guri mbetet. Kjo është filozofija e babkës tënd, tjetër filozofi nuk gjeta dot, tjetër filozofi nuk kishte si të qëndroj të mos rrëzohem dhe të kaloj një çikë më tej” /Ra.My.Fjala.al/