Presidenti i Republikës, Ilir Meta deklaron se opozita jashtë parlamentare nuk duhet të provokohet për t’u larguar nga tryeza e Këshillit Politik, pasi sipas tij ka pas shpesh nga mazhoranca.
Kreu i shtetit deklaroi se kryeministri Rama nuk ka vullnet as për dialog të vërtetë politik dhe as për zgjedhje të lira.
“Opozita nuk duhet të provokohet për t’u larguar nga tryeza e Këshillit Politik. Duhet të jetë e vendosur për t’i qëndruar marrëveshjes së 5 qershorit dhe të bëjë detyrën e saj ndaj vendit. Ka pasur dhe ka përpjekje për ta provokuar opozitën dhe për ta nxjerrë nga tryeza dhe institucionet. Për fat të keq opozita ka rënë shpesh pre e këtyre provokimeve. Për fat të keq, lideri i mazhorancës aktuale nuk ka vullnetin as për dialog të vërtetë politik dhe as për zgjedhje të lira dhe të ndershme dhe as për t’i qëndruar marrëveshjeve që vetë ka firmosur.
“Opozita duhet të jetë e vendosur për të mos marrë asnjë përgjegjësi për çdo situatë të paparashikueshme. Të gjitha kushtet e BE për nisjen e negociatave lidhen me suksesin e marrëveshjeve të këtij Këshilli Politik,” tha Meta në “A Show”.
/En.Br./Fjala.al