Studiuesi Marenglen Kasmi ka bërë një zbulim të bujshëm. Për herë të parë gjatë emisionit HARD TALK NGA ROLAND QAFOKU ai bëri publike faktin që oborri i godinës së kryeministrisë është një varr me ushtarë gjermanë të vrarë gjatë Luftës së Dytë Botërore. Sipas tij, godina e kryeministrisë që në fakt u ndërtua si Mëkëmbësi gjatë pushtimit Italian u përdor si spital gjatë pushtimit gjerman. Sipas Kasmit ushtarët që vdisnin në spital varroseshin pikërisht në atë oborr.
Janë bërë kërkime dhe sipas Kasmit duhet të bëhet zhvarrimi i trupave.
-Ka varrezë tjetër me ushtarë gjermanë?
-Në Tiranë kanë qenë dy varreza të mëdha ushtarësh gjermanë. Më e madhja ka qenë të Varri i Bamit, varrezat civile, por që është humbur sepse është zhdukur. Një varrezë tjetër po ashtu, unë e besoj edhe sot e kësaj dite që në oborrin e pasëm të kryeministrisë, te ajo lëndina, ka ushtarë gjermanë të varrosur. Sepse ka qenë spitali ushtarak. Pjesa e lëndinës që është mbrapa, aty duhet të ketë ushtarë gjermanë të varrosur.
-Sa mund të jetë numri?
-Godina e Kryeministrisë në atë kohë ka qenë Spitali Ushtarak dhe ata që vdisnin, varroseshin atje. Dhe një varrezë tjetër duhet të ketë qenë diku këtu në pjesën poshtë varrezave të Dëshmorëve të Kombit.
-A duhet të zhvarrosen ata?
-Patjetër që po.
-Sa mund të jenë përafërsisht?
-Disa dhjetëra. Rreth 50…/Fjala.al/Ke.Ba
https://youtu.be/J6_hvmoOBP4
