Ambasadorja e Shteteve të Bashkuara në Tiranë, Yuri Kim ka zhvilluar ditën e sotme një bisedë online me përfaqësuesit e Këshillit të Lartë Gjyqësor dhe Gjykatës së Lartë.
Kim tha se SHBA do të vazhdojë të mbështesë reformën në drejtësi në vend, ndërsa theksoi KLGJ duhet të mbajë zotimin për plotësimin e Gjykatës së Lartë, funksionimi i së cilës lidhet me zgjidhjen e disa problemeve kryesore me të cilat përballet sot gjyqësori në Shqipëri.
“E lumtur që dëgjova planin për Gjykatën e Lartë. SHBA do të vazhdojë të mbështesë reformën në drejtësi. Takimi ishte për funksionalitetin e plotë të Gjykatës deri në fund të 2021. KLGJ duhet të mbajë zotimin për plotësimin e Gjykatës së Lartë. Mungesa e kësaj gjykate pengon kontrollin dhe ekuilibrin e qeverisë. Kjo gjykatë nuk është funksionale, ndaj drejtësia mohohet, duke vonuar kështu rrugën e Shqipërisë drejt BE-s”, tha Kim./Re.Gu/Fjala.al