Një ngjarje e rëndë është regjistruar në Pogradec, ku një person ka mbetur i plagosur rëndë pas një konflikti me dy persona të tjerë.
Pas ngjarjes, policia ka vënë në pranga shtetasin E. L., 33 vjeç, banues në fshatin Vërri, Pogradec (i dënuar më parë për “Vjedhje”), si dhe ka shpallur në kërkim shtetasin E. N., 30 vjeç, banues në Pogradec.
Sipas burimeve zyrtare, në vendin e quajtur “Ura e Selcës” në fshatin Vërri, shtetasit e mësipërm në bashkëpunim me njëri-tjetrin gjatë një konflikti për motive të dobëta me shtetasin K. L., 65 vjeç, e kanë goditur me mjete të forta këtë të fundit, duke i shkaktuar dëmtime të rënda trupore.
65-vjeçari aktualisht ndodhet në Spitalin e Traumës Tiranë nën kujdesin e mjekëve.
Materialet i kaluan Prokurorisë Pranë Gjykatës së Shkallës së Parë Pogradec për veprën penale “Plagosja e rëndë me dashje”.
/En.Br./Fjala.al