Mbyllja e sezonit 2019-2020 ka sjellë dhe largimin e disa prej emrave kryesorë të skuadrës së Skënderbeut.
Pas mbarimit të ndeshjes me Partizanin mbrëmjen e së mërkurës Enea Koliqi dhe Bruno Dita i dhanë lamtumirën klubit të Korçës.
Ndërsa ditën e sotme titullari Dejvi Bregu ka zyrtarizuar mbylljen e bashkëpunimit pas mbarimit të kontratës dyvjeçare me Skënderbeun.
Ai ka falënderuar klubin dhe tifozët si dhe ka shprehur keqardhje për mospjesëmarrjen në Kupat e Europës.
“Faleminderit KF Skënderbeu për këto dy vite emocionuese, edhe pse në pamundësi për të bërë prapë histori në kupat e Europës. Ishte një nder dhe kënaqësi shumë e madhe te isha pjesë e këtij klubi model.
Mirënjohje ndaj çdo tifozi që më ka mbështetur në ditë të mira dhe të këqija… Besoj se largohem nga Korça duke pasur miq që nuk do i harroj dhe duke marrë me vete kujtimet më të bukura. Faleminderit me gjithë zemër!”-shkruan Bregu në “Instagram”.
Dejvi Bregu largohet pas dy sezonesh te Skënderbeu, ku luajti në plot 60 ndeshje dhe arriti të shënojë 17 gola./ka.ta/Fjala.al/
