Një tjetër ngjarje e rëndë ka ndodhur në Elbasan ku ka ndërruar jetë një 32-vjeçar pasi është konfliktuar me 2 persona të tjerë.
Mësohet se tre personat kanë qënë miq mes tyre dhe në gjendje të dehur janë konfliktuar me njëri-tjetrin me shishe dhe mjete të forta.
Si pasojë e këtij sherri ka mbetur i vdekur 32-vjeçari Florjan Lamçe ndërsa dy personat e tjerë kanë marrë plagë të lehta dhe po trajtohen në spital.
Lamçe ose i njohur ndryshe si “qorri i vogël” ka qënë person me precedentë të mëparshëm penal ku akuzohet për një vrasje dhe dy plagosje.
Ngjarja ka ndodhur rreth orës 5:00 të mëngjesit të sotëm në afërsi të qëndrës, pranë një lokali.
Sherri ka ndodhur mes Lamçes dhe dy shokëve të tij, A.H., 42 vjeç, S.S., 34 vjeç.
Burime për fjala.al mësojnë se një nga autorët e ngajrjes është Sokol Sanxhaktari, 34 vjeç, dhendri i Qazim Sejdinit ish-kryetarit të bashkisë Elbasan.
Shtetasi tjetër i shoqëruar për ngjarjen e rëndë është Ardiano Hakdari, 42 vjeç.
Kujtojmë se mbrëmë në Elbasan u vra me thikë edhe 23 vjeçari Regis Runaj.
Grupi hetimor vijon punën pēr zbardhjen dhe dokumentimin e plotë të ngjarjes. /Ra.My.Fjala.al/