“Corriere dello Sport – Stadio”: Hysaj pritet të rinovojë kontratën me Napolin

113 563 lexime

124,178FansaPëlqeje

Ka edhe një vit nga kontrata e tij aktuale dhe shpesh marrëdhënia e tij me klubin nuk ka qenë ideale, duke u përfolur shpesh për largimin e tij. Por duket se kapiteni i Kombëtares së Shqipërisë, Elseid Hysaj mund ta rinovojë kontratën me italianët e Napolit. Është e përditshmja sportive “Corriere dello Sport – Stadio”, e cila e ka raportuar së fundmi mundësinë e një rinovimi të tillë.

Mbrojtësi shqiptar ka një kontratë deri në verën e vitit 2021 me Napolin, por mundësia për vazhdimin e kontratës është hapur sërish nga të dyja palët. 26-vjeçari u transferua te Napoli në qershor të vitit 2015 dhe këtë edicion ka bërë paraqitje të kënaqshme. Në të gjitha veprimtaritë, shkodrani ka shënuar një gol dhe ka kontribuar me pasimin e fundit në dy të tjerë, në 24 ndeshjet që ka luajtur në kampionat dhe në Kupë.

Ndërkohë, të mërkurën, trajneri italian, por edhe me pasaportë shqiptare, Xhovani De Biazi, që e kualifikoi për herë të parë Shqipërinë në fazën finale të një veprimtari madhore futbollistike siç Evropiani i vitit 2016 në Francë, ka folur rreth ekipit të Napolit dhe për mbrojtësin shqiptar që aktivizohet aty, Elseid Hysaj. Shkodrani duket se është rikthyer në formë nën drejtimin e trajnerit Xhenaro Gatuzo.

Madje ai gjeti edhe golin e parë me napoletanët fundjavën e kaluar. Nisur nga kjo, De Biazi mendon se Napoli do gabojë nëse e largon Elseid Hysajn. “Po të isha tek Napoli nuk do ta largoja, – ka deklaruar De Biazi, i pyetur nga mediat italiane. – Ai është ende i ri dhe mund t’i japë ndihmë të rëndësishme skuadrës.” Hysaj ishte titullar të martën për Napolin në sfidën e humbur me shifrat 0-2 në fushën e Interit.

Lexo edhe :  Felipe Melo: “Dani Alves dhe Robinho duhet të burgosen, unë do të hakmerresha”

Ky takimi ishte i vlefshëm për javën e 37-të të Serisë A. Kjo humbje e ndërlikon edhe më tepër pozitën e Napolit sa i përket vendit në Kupat e Evropës sezonin e ardhshëm, pasi skuadra e Gatuzos ka mbetur prapa Milanit në luftën për vendin e 6-të. Hysaj u aktivizua për 84 minuta në humbjen me Interin, kur fati i ndeshjes ishte vendosur në favor të milanezëve.

Të fundit

EMRAT/ Kush janë të arrestuarit nga SPAK në Bashkinë e Tiranës

Emrat e dejtorëve të Erion Veliajt në Bashkinë e Tiranës të arrestuar ditën e sotme nga SPAK janë bërë...

Rryma e oqeanit përshpejtohet me nxehtësinë. Problem për akullin e Antarktidës

Shkenca Rryma Rrethore e Antarktikut intensifikohet me rritjen e temperaturave: është e destinuar të rritet në shpejtësi dhe të hajë akullin.   Elisabetta Intini   Çfarë mbart më...

I lumtur deri në… budallallëk

Nga Leonard Veizi Të lumtur në jetë të jetëve... Epo kjo është sentencë krejt folklorike. Sepse realiteti nuk do shumë mund për t’u kuptuar se është...

Investimet e huaja/ Rama projekton rritje me 4 miliardë dollarë

Kryeministri Edi Rama në fjalën e tij në mbledhjen e Këshillit Ekonomik Kombëtar, e sheh dialogun mes qeverisë dhe sipërmarrjes, si një nga rrugët...

Dosja “5 D”/ Korrupsion dhe shpërdorim detyre, SPAK  lëshon 9 masa sigurie

Prokuroria e Posaçme kundër Korrupsionit dhe Krimit të Organizuar dha detaje për arrestimin e 9 personave, zyrtarë dhe ish-zyrtarë të Bashkisë së Tiranës nën...

Lajme të tjera

Web TV