Astronautët e NASA-s drejt kthimit në Tokë

113 563 lexime

77,493FansaPëlqeje

Dy astronautët e NASA-s që udhëtuan për në Stacionin Ndërkombëtar të Hapësirës me mjetin e ri fluturues Crew Dragon të kompanisë SpaceX, janë duke u kthyer për në Tokë, pas një qëndrimi prej dy muajsh në orbitë.

Kapsula me astronautët do të bjerë me parashutë në Gjirin e Meksikës, duke i dhënë fund një udhëtimi që shënoi misionin e parë pas nëntë vitesh të NASA-s për dërgimin e astronautëve në stacionin orbital.

Kapsula e misionit Endeavour me astronautët amerikanë Bob Behnken dhe Doug Hurley u shkëput nga stacioni orbital të shtunën mbrëma për t’u ulur pranë brigjeve të Floridës të dielën pasdite.

NASA's historic SpaceX mission
NASA’s historic SpaceX mission

Kjo është procedura e parë e këtij lloji me një kapsulë hapësinore të ndërtuar nga një kompani private.

“Ishin dy muaj të shkëlqyer dhe ne vlerësojmë gjithçka që ju bëtë si ekuipazh për të na ndihmuar të provojmë aftësitë e Dragonit në fluturimin e tij të parë me njerëz,” i tha astronauti Hurley anëtarit amerikan të ekuipazhit të mbetur në stacion, Chris Cassidy, para largimit.

NASA dhe SpaceX, që monitoronin kthimin e ekuipazhit, e përjashtuan opsionin që kapsula të ulej në oqean në fillim të javës së kaluar, për shkak të stuhisë tropikale Isaias, e cila tashmë është zbutur.

Me uljen e së dielës në Atlantik, anija do të provojë se është në gjendje të transportojë me sukses astronautët për në hapësirë dhe t’i kthejë ata në Tokë. Këtë udhëtim kompania SpaceX e ka realizuar dhjetëra herë me ngarkesë por kurrë më parë me njerëz në bord.

“Pjesa më e vështirë ishte të na çonte në stacion, por më e rëndësishmja është të na kthejë në Tokë,” tha Behnken gjatë ceremonisë së lamtumirës të shtunën në stacionin hapësinor.

Lexo edhe :  Trump: Nëse nuk shitet deri më 15 shtator, TikTok do të ndalohet në SHBA

Më 31 maj, SpaceX e sipërmarrësit miliarder Elon Musk, u bë e para kompani private që dërgon njerëzit në orbitë.

Zyrtarët e NASA-s kanë thënë se kapsula Crew Dragon, që mund të mbajë deri në shtatë astronautë, ka qenë në gjendje mjaft të mirë që nga lëshimi drejt stacionit hapësinor, ku astronautët kanë kryer testime dhe monitorime të funksionimit të saj gjatë kohës që ajo rrinte në pritje, e ankoruar në stacion./VOA

Të fundit

Liga e Kampioneve mbyll turin e 16-shes, përcakton 4 çiftet çerekfinaliste

Veprimtaria më prestigjioze e klubeve të kontinentit, Liga e Kampioneve, ka përmbyllur turin e 16-shes, duke përcaktuar edhe duelin...

Mbyllet Drejtoria Arsimore në Elbasan, drejtoresha pozitive me COVID

Mbyllet drejtoria Arsimore në Elbasan. Drejtoresha ka rezultuar pozitiv me COVID-19, teksa mësohet se i gjithë stafi është karantinuar. Sipas njoftimit të Ministrisë së Shëndetësisë,...

Kampionia e Kosovës, Drita, në finale të turit paraeliminator të Ligës së Kampioneve

Kampionia e Kosovës, Drita, ka mposhtur kampionen e Andorrës, Inter Eskaldesin, me shifrat 2-1, duke siguruar kështu të drejtën për të shkuar në finalen...

UEFA shpall vazot, Astana, Karabagu, Makabi i Tel Avivit dhe Dinamo e Tbilisit, kundërshtarët e Tiranës

Organizmi që qeveris futbollin kontinental, UEFA, ka përditësuar pak më parë edhe ndarjen e vazove për shortin që do të hidhet ditën e diel,...

Shorti i së hënës, përvijohen skenaret “shqiptare” të turet eliminatore të Ligës së Evropës

Të hënën, në Nion të Zvicrës, hidhet shorti i Ligës së Evropës dhe tanimë është krijuar një ide, sado e përgjithshme se çfarë mund...

Lajme të tjera

Web TV