Duka uron klubet fituese të sezonit 2019-2020: Nuk është koha për festë

113 563 lexime

106,048FansaPëlqeje

Presidenti i Federatës Shqiptare të Futbollit, Armand Duka ka uruar fituesit e edicionit futbollistik 2019/20 që sapo u mbyll. Një sezon i pazakontë që kaloi mes peripecive të imponuara nga pandemia Covid-19, por që arriti të rifillonte pas ndërprerjes dhe u mbyll me finalen e Kupës së Shqipërisë të dielën e 2 gushtit, që u fitua nga KF Teuta.

Kreu i qeverisë së futbollit u ka dërguar telegram urimi të gjitha klubeve që triumfuan këtë sezon, duke u shpallur kampionë në kategoritë përkatëse, apo duke u ngjitur një kategori më lart.

KF Tirana (kampione e Kategorisë Superiore, Vllaznia femra (Kampione & fituese e Kupës së Shqipërisë për femra), KF Teuta (fituese e Kupës së Shqipërisë), KF Apolonia (fituese e Grupit B & kampione e Kategorisë së Parë, kampione e Superiores U-19, kampione e Kategorisë së parë U-17), KS Kastrioti (fitues i Grupit A në Kategorinë e Parë), Vora (fitues i Grupit A & kampione e Kategorisë së Dytë), Tomori (fitues i Grupit B në Kategorinë e Dytë) si edhe ekipeve kampione të moshave që nga Internacional U-15, Shënkolli U-17, Football Republic U-19, etj., janë fituesit e edicionit futbollistik.

Në emër të Federatës Shqiptare të Futbollit dëshiroj t’ju dërgoj urimet më të përzemërta për suksesin në sezonin 2019/2020. Të gjithë ju duhet të jeni krenarë për këtë arritje të rëndësishme. Triumfi juaj është tërësisht rezultati konkret i punës së palodhur, angazhimit të madh, besimit të thellë dhe shpirtit të sakrificës që keni treguar gjatë një viti të vështirë për të gjithë.

Është koha të festoni për momentet e paharrueshme që keni kaluar gjatë këtij sezoni. Por duke filluar nga nesër, të gjithë së bashku, duhet t’i rikthehemi punës, madje duke shtuar forcat, për t’u përmirësuar dhe rritur akoma më shumë cilësinë sportive në të mirën tuaj dhe të futbollit shqiptar”, shkruan Presidenti Duka në urimet për klubet fituese të këtij sezoni.ka.ta/Fjala.al/


Të fundit

Yuri Kim frikëson politikanët pas vizitës ‘blic’ në SPAK: Do ndëshkohet kush ka bërë krime!

Ambasadorja amerikane Yuri Kim ka zhvilluar sot në takim të papritur në SPAK, me drejtuesin Arben Kraja dhe drejtoren...

Rikthehen vdekjet nga Covid, ja sa të infektuar u regjistruan 24 orët e fundit

Situata e COVID19 në 24 orët e fundit është si vijon: Janë kryer 2807 testime, nga të cilat kanë rezultuar pozitivë 21 qytetarë. Rastet pozitive...

“Çfarë tallje, kryetar partie nga Vlora?”/ Bledi Mane: Gonia mund të jetë “malok Labërie” por kjo nuk e ndihmon

Nga Bledi Mane Agron Shehaj mund të jetë i suksseshëm në biznes, mund të jetë miliarder, mund të jetë shfrytëzues i pashpirt punonjësish, mund të...

Spitali Rajonal i Fierit jo në kapacitet të plotë, urdhri: QSUT dhe 4 spitale rajonale do ta furnizojnë me barna e pajisje mjekësore

Për një periudhë prej tre muajsh, Spitali Rajonal i Fierit do të mbështet te QSUT dhe spitalet rajonale të Fierit, Vlorës, Lushnjës dhe Gjirokastrës...

Soreca në Sarandë: BE jep 40 milion euro për turizmin

Në kuadër të javëve europiane, ambasadori i Bashkimit Europian në Shqipëri, Luigi Soreca, u ndal sot në qytetin e Sarandës. Turizmi ishte në fokus të...

Lajme të tjera

Web TV