Mjekja e Shërbimit Onkologjik Dhurata Tarifa bën apel për respektimin e masave kundër kooronavirusi, si e vetmja armë mbrojtëse në mungesë të një vaksine.
Tarifa thotë se të gjithë qytetarët duhet të mbajnë maskë, distancë fizike si dhe higjienë personale por edhe në komunitet.
“Prej 6 muajsh po bashkëjetojmë me një virus të padukshëm shumë virulent. Në mungesë të një vaksine për të luftuar këtë virus mbetet opsioni i vetëm, mbrojtja. Mbrojtja është në tre forma.
Së pari, vendosja e një maske e cila duhet të jetë shumë e puthitur në fytyrë. Së dyti është distancimi fizik. Dhe së treti është higjiena personale dhe ajo territoriale”, thotë mjekja në mesazhin e saj të shpërndarë në rrjetet sociale nga ministrja e Shëndetësisë Ogerta Manastirliu.
Duhet të jemi korrekt me higjienën e trupit por edhe në komunitet. Në shërbimin onkologjik deri tani nuk kemi pasur asnjë rast me koronavirus, kjo falë masave të marra që nga maskat, matja e temperaturës në hyrje të spitalit”, shprehet ajo./Bl.Ba/Fjala.al
